വാൽപാറ∙ ഒറ്റയാനെക്കണ്ടു ഭയന്ന മലയാളി യുവാവ് മോട്ടർ സൈക്കിളിൽ നിന്നു ചാടിയിറങ്ങി ഓടുന്നതിനിടെ വീണു ദേഹമാസകലം പരുക്കേറ്റു. മോട്ടർ സൈക്കിളിനു ഭാഗികമായി കേടുപറ്റി.
കഴിഞ്ഞ ദിവസം ഉച്ചയോടെയാണു വാൽപാറ കാമരാജ് നഗറിൽ താമസിക്കുന്ന, കുരങ്ങുമുടിയിലെ ശിവാ കോഫി എസ്റ്റേറ്റ് മാനേജരായ മലയാളി സുമൻ അപകടത്തിൽപെട്ടത്. സുഹൃത്തുമായി മോട്ടർ സൈക്കിളിൽ എസ്റേറ്റിലേക്കു പോകവെയാണ് ഒരു വളവു തിരിഞ്ഞപ്പോൾ ഒറ്റയാൻ ഓടി വരുന്നതു കണ്ടത്.
ഉടനെ ഇരുവരും മോട്ടർ സൈക്കിൾ ഉപേക്ഷിച്ചു രക്ഷപ്പെടാൻ ഓടിയപ്പോഴാണു സുമനു തെറിച്ചു വീണു പരുക്കേറ്റത്.
ഈ സമയം ഒറ്റയാൻ മോട്ടർ സൈക്കിൾ ചവിട്ടിത്തെറിപ്പിക്കുകയും കേടു വരുത്തുകയും ചെയ്തു. കുരങ്ങുമുടിയിൽ നിന്നു വാൽപാറയിലേക്കു വന്ന സർക്കാർ ബസ് ഹോൺ മുഴക്കിയതിനാലാണ് ഒറ്റയാൻ പ്രകോപിതനായി ഓടിയതെന്നാണു നാട്ടുകാരുടെ ഭാഷ്യം. മനാമ്പള്ളി റേഞ്ച് ഓഫിസർ ഗിരിധരൻ സ്ഥലത്തെത്തി കൂടുതൽ വിവരങ്ങൾ ശേഖരിച്ചു വരുന്നു.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
