മൂവാറ്റുപുഴ∙ നടുറോഡിൽ സ്വകാര്യ ബസ് ഡ്രൈവറും ഇരുചക്ര വാഹനയാത്രക്കാരനും തമ്മിൽ ഏറ്റുമുട്ടിയതിനെത്തുടർന്ന് നഗരത്തിൽ ഗതാഗതം തടസ്സപ്പെട്ടു. ഇന്നലെ വൈകിട്ടാണ് ടിബി ജംക്ഷനു സമീപം സ്വകാര്യ ബസിന്റെ ഡ്രൈവറും സ്കൂട്ടർ യാത്രികനും തമ്മിൽ ഏറ്റുമുട്ടിയത്.
ബസിനെ മറികടന്നു പോകാൻ ശ്രമിച്ച സ്കൂട്ടർ യാത്രികനെ ഇതിന് അനുവദിക്കാതെയും അപകടം സൃഷ്ടിക്കുന്ന വിധത്തിലുമുള്ള ഡ്രൈവിങ് ചോദ്യം ചെയ്തതാണ് പ്രകോപനം.നടുറോഡിൽ ബസ് നിർത്തി ചാടിയിറങ്ങിയ ബസ് ഡ്രൈവർ സ്കൂട്ടർ യാത്രികനുമായി ഏറ്റുമുട്ടുകയായിരുന്നു.
റോഡിൽ ഗതാഗതം സ്തംഭിച്ചതോടെ മറ്റു വാഹനയാത്രക്കാരും നാട്ടുകാരും ചേർന്നാണ് ഇരുവരെയും പിന്തിരിപ്പിച്ചത്. ബസ് യാത്രക്കാരായ സ്ത്രീകളും കുട്ടികളും ഉൾപ്പെടെയുള്ളവർ കേൾക്കെ അസഭ്യ വർഷവും ഉണ്ടായി.
റോഡിൽ മീഡിയൻ നിർമിച്ചതോടെ 2 വാഹനങ്ങൾക്കു ഒരേസമയം കടന്നു പോകാൻ കഴിയാത്ത സ്ഥിതിയുണ്ട്. സ്വകാര്യ ബസുകൾ റോഡിലൂടെ വേഗം കുറച്ചു പോയാൽ ഇരുചക്ര വാഹനങ്ങൾക്കു പോലും ബസിനെ മറികടന്നു പോകാൻ കഴിയാത്ത സ്ഥിതിയാണ്.
ഇതേ ചൊല്ലി തർക്കങ്ങളും പതിവായിരിക്കുകയാണ്. ചില സ്വകാര്യ ബസുകൾ മനഃപൂർവം മറ്റു വാഹനങ്ങൾ കടന്നു പോകാൻ അനുവദിക്കാതിരിക്കുന്നതായും പരാതികൾ ഉണ്ട്.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
