കടലുണ്ടി ∙ ഇടച്ചിറയിൽ നിയന്ത്രണം വിട്ട കാർ പാതയോരത്തെ സിഗ്നൽ തൂണിൽ ഇടിച്ചു മറിഞ്ഞു യുവാവിന് ദാരുണാന്ത്യം.
ചേലേമ്പ്ര ചേലുപ്പാടം പുഞ്ചിരി വളവ് കടൂർ തൊടിയങ്ങത്ത് കെ.ടി.അബ്ദുൽ ഗഫൂറിന്റെ മകൻ മുനവ്വർ(17) ആണു മരിച്ചത്. കാർ ഓടിച്ച സുഹൃത്ത് പള്ളിക്കൽ ബസാർ പുൽപറമ്പ് കുറുന്തല സഫ്വാനെ(21) ഗുരുതര പരുക്കുകളോടെ കോഴിക്കോട് ഗവ.
മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
ഇന്നലെ വൈകിട്ട് 5ന് ഇടച്ചിറ ഭാരത് ഗ്യാസ് ഏജൻസിക്കു സമീപത്താണ് അപകടം. ചാലിയത്തേക്കു പോകുകയായിരുന്നു ഇരുവരും.
സ്റ്റേഡിയം റോഡിൽ നിന്നു പെട്ടെന്നു കയറിവന്ന ബൈക്കിനെ വെട്ടിച്ചെടുത്തപ്പോൾ ബ്ലിങ്കറിങ് സിഗ്നൽ ലൈറ്റിന്റെ തൂണിൽ ഇടിച്ചു മറിഞ്ഞ കാർ സമീപത്തു നിർത്തിയിട്ട ഗുഡ്സ് ഓട്ടോയിൽ തട്ടിയാണു നിന്നത്.
നാട്ടുകാർ ഉടൻ കാർ ഉയർത്തി ഇരുവരെയും പുറത്തെടുത്ത് കോട്ടക്കടവിലെ ആശുപത്രിയിൽ എത്തിച്ചെങ്കിലും മുനവ്വറിനെ രക്ഷിക്കാനായില്ല. കബറടക്കം ഇന്ന് ഉച്ചയ്ക്ക് പനയപ്പുറം ജുമാമസ്ജിദ് ഖബർസ്ഥാനിൽ നടക്കും. ഉമ്മ: കെ.പി.ജസീന.
സഹോദരങ്ങൾ: മെഹബൂബ് റഹ്മാൻ, മഷ്ഹൂക്ക് റഹ്മാൻ, മിസ്ഹബ്, ഫൈത്തിമ ബത്തൂൽ. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
