ഇരിട്ടി ∙ തദ്ദേശ തിരഞ്ഞെടുപ്പിന്റെയും ക്രിസ്മസ് – പുതുവർഷ ആഘോഷങ്ങളുടെയും മറവിൽ കർണാടകയിൽ നിന്നു കേരളത്തിലേക്കു സാധ്യതയുള്ള ലഹരി – മദ്യക്കടത്ത് തടയുന്നതിനായി കേരള, കർണാടക അതിർത്തിയായ കൂട്ടുപുഴയിൽ എക്സൈസ് ചെക്പോസ്റ്റ് കേന്ദ്രീകരിച്ചു ‘സ്പെഷൽ ഡ്രൈവ്’ പരിശോധന തുടങ്ങി. ജില്ലയിൽ മാഹി ചെക്പോസ്റ്റിൽ ഉൾപ്പെടെ തീരുമാനിച്ചിട്ടുള്ള കർശന പരിശോധന ദൗത്യത്തിന്റെ ഭാഗമാണ് കൂട്ടുപുഴയിലും നടപടി ശക്തമാക്കിയത്.
മദ്യം, ലഹരി ഉൽപന്നങ്ങൾ, കള്ളപ്പണം, മയക്കുമരുന്ന് എന്നിവ കടത്തുന്നത് തടയുകയാണ് ലക്ഷ്യം. 24 മണിക്കൂറും പരിശോധന ഉണ്ട്.
നിലവിലുള്ള പരിശോധനയ്ക്ക് പുറമേ കണ്ണൂർ എക്സൈസ് എൻഫോഴ്സ്മെന്റ് ആൻഡ് ആന്റി നർകോട്ടിക് സ്പെഷൽ സ്ക്വാഡും രംഗത്തുണ്ട്.
സ്പെഷൽ ഡ്രൈവ് ജനുവരി 5 വരെ തുടരും. ഒരു ഷിഫ്റ്റിൽ 7 പേർ അടങ്ങുന്ന സേനാ ടീം രൂപീകരിച്ചു 3 ഷിഫ്റ്റുകളിലായാണു 24 മണിക്കൂറും ചെക്ക് പോസ്റ്റിൽ പരിശോധന ശക്തമാക്കിയത്.
കൂട്ടുപുഴയിലെ എയ്ഡ് പോസ്റ്റിലേക്ക് കൂടുതൽ പൊലീസിനെയും നിയോഗിച്ചിട്ടുണ്ട്. കർണാടകയിൽ നിന്നെത്തുന്ന യാത്രാവാഹനങ്ങളും ചരക്കു വാഹനങ്ങളും വിശദമായ പരിശോധനയ്ക്ക് വിധേയമാക്കിയാണ് കടത്തിവിടുന്നത്. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
