കോഴിക്കോട്∙ ലഹരിമരുന്നു വിൽപനയിലൂടെ സമ്പാദിച്ച 18 ലക്ഷത്തിലേറെ രൂപ പ്രതിയുടെ ബാങ്ക് അക്കൗണ്ടിൽ നിന്നു പൊലീസ് കണ്ടുകെട്ടി. കല്ലായി ചക്കുംകടവ് സ്വദേശി ചക്കാലക്കൽ വീട്ടിൽ മുഹമ്മദ് അൻസാരി (32) യുടെ ബാങ്ക് അക്കൗണ്ടിൽ നിന്നാണു സഫേമ നിയമ പ്രകാരം മാറാട് പൊലീസ് തുക കണ്ടുകെട്ടിയത്.
അക്കൗണ്ടിൽ സൂക്ഷിച്ച 18 ലക്ഷം രൂപ ലഹരിമരുന്ന് വിൽപനയിലൂടെയും ഓൺലൈൻ ഇടപാടുകളിലൂടെയും സമ്പാദിച്ചതാണെന്നു പൊലീസ് കണ്ടെത്തിയിരുന്നു.
തുടർന്ന് സ്മഗ്ലേഴ്സ് ആൻഡ് ഫോറിൻ എക്സ്ചേഞ്ച് മാനിപുലേറ്റേഴ്സ് അതോറിറ്റിക്ക് നൽകിയ റിപ്പോർട്ടിനെ തുടർന്നാണു കണ്ടുകെട്ടാൻ ഉത്തരവായത്. 2 മാസം മുൻപ് മാത്തോട്ടം കുത്തുകല്ല് റോഡിൽ മാറാട് പൊലീസ് നടത്തിയ പരിശോധനയിൽ കാറിൽനിന്നു 2.5 ഗ്രാം എംഡിഎംഎയുമായി പ്രതി പിടിയിലായിരുന്നു.
മറ്റു വരുമാനമാർഗം ഇല്ലാത്ത പ്രതി ആഡംബര ജീവിതം നയിച്ചതു ലഹരി വിൽപനയിൽ നിന്നുള്ള വരുമാനം ഉപയോഗിച്ചാണെന്നു പൊലീസ് പറഞ്ഞു. നിലവിൽ പ്രതി ജില്ലാ ജയിലിൽ ജുഡീഷ്യൽ കസ്റ്റഡിയിലാണ്.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
