മണ്ണുത്തി ∙ കാർഷിക സർവകലാശാലയിലെ ഫീസ് വർധനക്കെതിരെ കെഎസ്യു പ്രവർത്തകർ നടത്തുന്ന അനിശ്ചിതകാല സമരത്തിന്റെ ഭാഗമായി സർവകലാശാല എക്സിക്യൂട്ടിവ് അംഗം കൂടിയായ മന്ത്രി കെ.രാജൻ, പ്രോ ചാൻസലർ കൂടിയായ പി.പ്രസാദ് എന്നിവരുടെ കോലം കത്തിച്ചു. സർവകലാശാല ആസ്ഥാനത്തുള്ള മുൻ മുഖ്യമന്ത്രി സി.അച്യുതമേനോന്റെ പ്രതിമയ്ക്ക് മുന്നിലായിരുന്നു കെഎസ്യു പ്രതിഷേധം.
സിപിഎം, സിപിഐ അംഗങ്ങളുൾപ്പെടുന്ന എക്സിക്യുട്ടിവ് കമ്മിറ്റിയാണ് ഫീസ് വർധിപ്പിക്കാനുള്ള അനുമതി നൽകിയതെന്ന് യോഗത്തിന്റെ മിനിറ്റ്സിൽ നിന്ന് വ്യക്തമാണെന്ന് കെഎസ്യു യൂണിറ്റ് കമ്മിറ്റി ആരോപിച്ചു.
സിപിഎം അനുകൂല എക്സിക്യൂട്ടിവ് അംഗങ്ങൾ വിദ്യാർഥികളെ കബളിപ്പിക്കുകയാണെന്ന് യൂണിറ്റ് പ്രസിഡന്റ് എം.എസ്.അഭിമന്യു പറഞ്ഞു. സെക്രട്ടറി ഹരിനന്ദ്, ചിദാനന്ദ്, അതുൽ, അക്ഷയ്, മാനസ് തുടങ്ങിയവർ സമരത്തിന് നേതൃത്വം നൽകി.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
