ചേവായൂർ ∙ മോഷണ കേസിൽ ജാമ്യത്തിലിറങ്ങി കോടതിയിൽ ഹാജരാകാതെ മുങ്ങി നടന്ന പ്രതി കാരപ്പറമ്പ് സ്വദേശി കോഴിതുമ്മൽ നിലത്തിൽ നിധീഷിനെ (40)) ചേവായൂർ പൊലീസ് പിടികൂടി. 2018 സെപ്റ്റംബർ 24ന് രാത്രി കരുവിശ്ശേരി റോഡിൽ നിർത്തിയിട്ടിരുന്ന സ്കൂട്ടർ പ്രതിയും സുഹൃത്തും ചേർന്ന് മോഷ്ടിക്കുകയായിരുന്നു.
തുടർന്ന് ചേവായൂർ പൊലീസ് കേസ് റജിസ്റ്റർ ചെയ്ത് അന്വേഷണം നടത്തി പ്രതിയെ പിടികൂടി.
തുടർന്ന് ജാമ്യത്തിലിറങ്ങിയ പ്രതി കോടതിയിൽ ഹാജരാകാതെ മുങ്ങി നടക്കുകയായിരുന്നു. വിവിധയിടങ്ങളിൽ കറങ്ങി നടന്ന പ്രതിയെ അന്വേഷിക്കുന്നതിനിടെയാണ് കരുവിശ്ശേരിയിൽ എത്തിയിട്ടുണ്ടെന്നുള്ള രഹസ്യവിവരത്തിന്റെ അടിസ്ഥാനത്തിൽ ചേവായൂർ പൊലീസ് സ്റ്റേഷൻ ഇൻസ്പെക്ടർ മഹേഷിന്റെ നേതൃത്വത്തിൽ എസ്ഐ രോഹിത്, എഎസ്ഐ വിജേഷ് എന്നിവർ ചേർന്ന് കസ്റ്റഡിയിൽ എടുത്തത്.
അറസ്റ്റ് രേഖപ്പെടുത്തിയ ശേഷം പ്രതിയെ കോടതിയിൽ ഹാജരാക്കി. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
