സ്വന്തം ലേഖകൻ
തിരുവനന്തപുരം: പ്രതിപക്ഷനേതാവ് വി ഡി സതീശനെ വിമര്‍ശിച്ച് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍. വിഡി സതീശനെപ്പോലൊരു കള്ളന് കഞ്ഞി വെച്ച പ്രതിപക്ഷനേതാവ് കേരളത്തില്‍ ഉണ്ടായിട്ടില്ലെന്ന് കെ സുരേന്ദ്രന്‍ കുറ്റപ്പെടുത്തി. സതീശന് മുഖ്യമന്ത്രിയുടെ വലം കയ്യാണ്. സതീശന് മുഖ്യമന്ത്രിയുമായി അന്തര്‍ധാരയുണ്ട്. അതുകൊണ്ടാണ് കോണ്‍ഗ്രസ് നേതാക്കള്‍ക്കെതിരെ എടുക്കുന്ന കേസുകളില്‍ സതീശന് മുഖ്യമന്ത്രി പ്രത്യേക ആനുകൂല്യം നല്‍കുന്നതെന്നും അദ്ദേഹം പറഞ്ഞു.
മുഖ്യമന്ത്രിയെ താങ്ങി നടക്കുന്നത് പ്രതിപക്ഷ നേതാവാണ്. വഞ്ചകനാണ് വിഡി സതീശന്. ഭരണകക്ഷിയെക്കാള്‍ മോശം പ്രതിപക്ഷമാണ് കേരളത്തിലുള്ളത്. ഇങ്ങനെ ഒരു പ്രതിപക്ഷം കേരളത്തില്‍ എവിടെയും ഉണ്ടാകില്ലെന്നും സുരേന്ദ്രന്‍ പറഞ്ഞു. മാത്യു കുഴല്‍നാടന്‍ അത്ര വലിയ ഹരിശ്ചന്ദ്രന്‍ അല്ല.
അന്വേഷണം വേണമെന്നും സുരേന്ദ്രന്‍ പറഞ്ഞു. ജി ശക്തിധരന്റെ ഫേസ്ബുക്ക് പോസ്റ്റിലും സുരേന്ദ്രന്‍ പ്രതികരിച്ചു. പൂര്‍ണമായും അന്വേഷണം ആവശ്യമുള്ള വെളിപ്പെടുത്തലാണ് ശക്തിധരന്‍ നടത്തിയിട്ടുള്ളത്. കരിമണല്‍ കര്‍ത്തയില്‍ നിന്ന് മുഖ്യമന്ത്രി മാസപ്പടി വാങ്ങിയിട്ടുണ്ടോ. ഇല്ലെങ്കില്‍ എന്തുകൊണ്ടാണ് നിഷേധിക്കാത്തതെന്നും സുരേന്ദ്രന്‍ ചോദിച്ചു.
The post ഭരണകക്ഷിയെക്കാള്‍ മോശം പ്രതിപക്ഷമാണ് കേരളത്തിലുള്ളത്; ഇങ്ങനെ ഒരു പ്രതിപക്ഷം കേരളത്തില്‍ എവിടെയും ഉണ്ടാകില്ല; വിഡി സതീശനെപ്പോലൊരു കള്ളന് കഞ്ഞി വെച്ച പ്രതിപക്ഷനേതാവും കേരളത്തില്‍ ഉണ്ടായിട്ടില്ല !!! ; വിമർശനവുമായി കെ സുരേന്ദ്രൻ appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
