കൊൽക്കത്ത: പശ്ചിമ ബംഗാളിലെ നന്ദിഗ്രാമിൽ തൃണമൂൽ കോൺഗ്രസ് അധ്യക്ഷ മമത ബാനർജിയുടെ പിന്തുണ പ്രഖ്യാപനത്തിന് പിന്നാലെ കോൺഗ്രസ് സ്ഥാനാർത്ഥി അറസ്റ്റിലായി. മിലൻ പ്രധാൻ ആണ് പഴയ കൊലപാതക കേസിൽ അറസ്റ്റിലായത്.
സ്ഥാനാർത്ഥി അറസ്റ്റിലായ വിവരം കോൺഗ്രസ് തന്നെയാണ് പുറത്തുവിട്ടത്. 2007-ലെ നന്ദിഗ്രാം ഭൂമി ഏറ്റെടുക്കൽ വിരുദ്ധ പ്രക്ഷോഭങ്ങൾക്കിടെ നടന്ന കൊലപാതക കേസുമായി ബന്ധപ്പെട്ടാണ് അറസ്റ്റ് നടപടി.
പശ്ചിമ ബംഗാളിൽ 34 വർഷം ഭരിച്ച ഇടത് മുന്നണിക്കെതിരെ തൃണമൂൽ കോൺഗ്രസ് അധികാരത്തിൽ എത്തിയത് നന്ദിഗ്രാമിലെ ഭൂമി ഏറ്റെടുക്കലിനെതിരായ സമരം നയിച്ചാണ്. മമതാ ബാനർജിയുടെ രാഷ്ട്രീയ ജീവിതത്തിലെ ഏറ്റവും നിർണ്ണായകമായ പോരാട്ടങ്ങളിലൊന്നാണിത്.
കാളിഘട്ടിലെ വസതിയിൽ വിളിച്ചുചേർത്ത വാർത്താസമ്മേളനത്തിലാണ് നന്ദിഗ്രാമിലെ കോൺഗ്രസ് സ്ഥാനാർത്ഥിക്ക് പിന്തുണ പ്രഖ്യാപിക്കുന്നതായി മമത ബാനർജി വ്യക്തമാക്കിയത്. മമത വിഭാഗം സ്ഥാനാർത്ഥിയായി പ്രഖ്യാപിച്ച സഞ്ചിത പ്രധാൻ ഡേ നാമനിർദ്ദേശ പത്രിക പിൻവലിച്ചതിനെ തുടർന്നായിരുന്നു ഈ പ്രഖ്യാപനം.
കോൺഗ്രസിനെ സഹോദര പാർട്ടി എന്ന് വിശേഷിപ്പിച്ച അവർ, ഇന്ത്യ സഖ്യത്തെ ശക്തിപ്പെടുത്തുന്നതിനാണ് പിന്തുണ നൽകുന്നതെന്നും ഭാവിയിലേക്കുള്ള തുടക്കമാണിതെന്നും പറഞ്ഞു. ബംഗാൾ മുഖ്യമന്ത്രി സുവേന്ദു അധികാരിയുമായി നടത്തിയ കൂടിക്കാഴ്ചയ്ക്ക് ശേഷമാണ് സഞ്ചിത നാമനിർദേശ പത്രിക പിൻവലിച്ചത്.
മമതയുടെ പിന്തുണയോട് കരുതലോടെയാണ് കോൺഗ്രസ് പ്രതികരിച്ചത്. “അവർ ഒരു രാഷ്ട്രീയ നേതാവാണ്.
അവർക്ക് എന്തും പറയാം. എന്നാൽ അവരുടെ സ്ഥാനാർത്ഥി പിന്മാറിയതുകൊണ്ടാണ് ഇപ്പോൾ ഞങ്ങൾക്ക് പിന്തുണ പ്രഖ്യാപിച്ചിരിക്കുന്നത് എന്നതാണ് വസ്തുത.
ഞങ്ങൾ അവരുടെ പിന്തുണ ചോദിച്ചിട്ടില്ല” എന്ന് മുതിർന്ന കോൺഗ്രസ് നേതാവ് അധീർ രഞ്ജൻ ചൗധരി വ്യക്തമാക്കി. പാർട്ടി ഔദ്യോഗിക ചിഹ്നവും പേരും നഷ്ടമായതിന് പിന്നാലെയാണ് നന്ദിഗ്രാമിൽ തൃണമൂൽ കോൺഗ്രസിന് തിരിച്ചടി നേരിടേണ്ടി വന്നത്.
ഒക്ടോബർ 6-ലെ ഉപതെരഞ്ഞെടുപ്പിൽ ഓൾ ഇന്ത്യ തൃണമൂൽ കോൺഗ്രസ് എന്ന പേരും ‘രണ്ട് പൂക്കളും പുല്ലും’ എന്ന ചിഹ്നവും ഉപയോഗിക്കുന്നത് തെരഞ്ഞെടുപ്പ് കമ്മീഷൻ മരവിപ്പിച്ചിരുന്നു. തുടർന്ന് മമതാ ബാനർജി വിഭാഗത്തിന് ഓൾ ഇന്ത്യ തൃണമൂൽ കോൺഗ്രസ് എന്ന പേരും ഫുട്ബോൾ താരം (Football Player) എന്ന ചിഹ്നവും കമ്മീഷൻ അനുവദിക്കുകയുണ്ടായി.
അരൂപ് റോയ് നയിക്കുന്ന എതിർ വിഭാഗത്തിന് ഡെമോക്രാറ്റിക് തൃണമൂൽ കോൺഗ്രസ് എന്ന പേരും കവർ (Envelope) ചിഹ്നവുമാണ് നൽകിയത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
