നെടുമ്പാശേരി ∙ ലഹരി ഗുളികകൾ വിഴുങ്ങിയെത്തിയ ബ്രസീലിയൻ ദമ്പതികൾ വിമാനത്താവളത്തിൽ പിടിയിൽ. ബ്രസീലിലെ സാവോപോളോ സ്വദേശികളായ ലൂക്കാസ്,ബ്രൂണ എന്നിവരാണ് പിടിയിലായത്.
ഡയറക്ടറേറ്റ് ഓഫ് റവന്യൂ ഇന്റലിജൻസ് (ഡിആർഐ) കൊച്ചി യൂണിറ്റാണു രഹസ്യവിവരം ലഭിച്ചതിനെത്തുടർന്ന് ഇവരെ കസ്റ്റഡിയിലെടുത്തത്.
ലഹരി മരുന്ന് പുറത്തെടുക്കുവാൻ ഇവരെ അങ്കമാലിയിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. വെള്ളിയാഴ്ച രാവിലെ കൊച്ചിയിലെത്തിയതാണ് ഇരുവരും.
ഇതിനകം എഴുപതോളം ലഹരി ഗുളികകൾ ഇവരിൽ നിന്ന് പുറത്തെടുത്തതായാണ് വിവരം. എക്സറേ പരിശോധനയിൽ ഇരുവരുംചേർന്ന് നൂറോളം ഗുളികകൾ വിഴുങ്ങിയതായാണ് കണ്ടെത്തിയിരിക്കുന്നത്.
കൊച്ചിയിലെത്തിയശേഷം ലഹരിമരുന്ന് കൈമാറാൻ തിരുവനന്തപുരത്തേയ്ക്കു പോകാനായിരുന്നു പദ്ധതിയെന്ന് അറിയുന്നു.
തിരുവനന്തപുരത്തെ ഒരു ഹോട്ടലിന്റെ ബുക്കിങ് വിവരങ്ങൾ ഇവരിൽ നിന്ന് ലഭിച്ചിട്ടുണ്ട്. ഏതാനും മാസങ്ങൾക്കു മുൻപും ഇത്തരത്തിൽ ആഫ്രിക്കൻ സ്വദേശികളായ 2പേർ ലഹരി ഗുളികകൾ വിഴുങ്ങി കൊച്ചിയിലെത്തിയത് ഡിആർഐ പിടികൂടിയിരുന്നു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
