ന്യൂഡൽഹി∙ ഓഗസ്റ്റ് ഒന്നുമുതൽ രാജ്യത്തെ എല്ലാ പോസ്റ്റ് ഓഫിസുകളിലും ഡിജിറ്റൽ പേയ്മെന്റുകൾ സ്വീകരിക്കും. ഡിജിറ്റൽ ഇടപാടുകൾ പ്രോത്സാഹിപ്പിക്കുന്നതിന്റെ ഭാഗമായാണ് പോസ്റ്റൽ വകുപ്പിന്റെ നീക്കം. ഓഗസ്റ്റ് മുതൽ പോസ്റ്റ് ഓഫിസുകളിലെ പേയ്മെന്റ് കൗണ്ടറിലെ ക്യുആർ കോഡ് സ്കാൻ ചെയ്ത് ‘കാഷ്‌ലെസ്’ പണമിടപാടുകൾ നടത്താം. 

പരീക്ഷണാർഥം കർണാടകയിലെ മൈസൂരു, ബാഗൽകോട്ട് ഹെഡ് ഓഫിസിനു കീഴിലുള്ള പോസ്റ്റ് ഓഫിസുകളിൽ നടപ്പാക്കി വിജയിച്ചതോടെ പദ്ധതി വ്യാപിപ്പിക്കുന്നത്.

പോസ്റ്റ് ഓഫിസുകളുടെ ബാങ്ക് അക്കൗണ്ടുകൾ യുപിഐ (യുണീക് പേയ്മെന്റ് ഇന്റർഫെയ്സ്) സിസ്റ്റവുമായി ബന്ധിപ്പിക്കാൻ കാലതാമസമെടുത്തതാണു ഡിജിറ്റൽ പേയ്മെന്റ് സൗകര്യ വൈകാൻ കാരണമെന്നു കേന്ദ്രം അറിയിച്ചു. രണ്ടുവർഷം മുൻപ് ചുരുക്കം ചില പോസ്റ്റ് ഓഫിസുകളിൽ ഇത് നടപ്പാക്കാൻ ശ്രമിച്ചിരുന്നു. എന്നാൽ സാങ്കേതിക തകരാറുകൾ കാരണമാണ് വൈകിയത്.

English Summary:

Digital payments in post offices are set to become a reality across India starting August. This initiative by the postal department aims to promote digital transactions by allowing customers to make cashless payments through QR code scanning at post office counters.