ഡ്രൈവറുടെ ഷുഗർ താഴ്ന്നു; നിയന്ത്രണം വിട്ട കോളജ് ബസ് അപകടത്തിൽപെട്ട് 4 പേർക്ക് പരുക്ക്

ഡ്രൈവറുടെ ഷുഗർ താഴ്ന്നു; നിയന്ത്രണം വിട്ട കോളജ് ബസ് അപകടത്തിൽപെട്ട് 4 പേർക്ക് പരുക്ക് തലയോലപ്പറമ്പ് ∙ നിയന്ത്രണം വിട്ട

കോളജ് ബസ് റോഡരികിലെ ഡിവൈഡറിലും വൈദ്യുതത്തൂണിലും ഇടിച്ചുണ്ടായ അപകടത്തിൽ എൻജിനീയറിങ് വിദ്യാർഥി ഉൾപ്പെടെ 4 പേർക്ക് പരുക്ക്. ഇന്നലെ രാവിലെ 8ന് വരിക്കാംകുന്ന് വളവിലാണ് അപകടം.

ഏറ്റുമാനൂർ മംഗളം എൻജിനീയറിങ് കോളജിലെ ബസാണ് അപകടത്തിൽപെട്ടത്. എറണാകുളം ഭാഗത്ത് നിന്നും കോട്ടയത്തേക്ക് പോകുന്നതിനിടെയാണ് അപകടം.

ഡ്രൈവറുടെ ഷുഗർ താഴ്ന്നതാണ് അപകടത്തിന് കാരണമായതെന്നു പറയുന്നു. പരുക്കേറ്റ വിദ്യാർഥി വൈറ്റില സ്വദേശി ആഷിക്, ചോറ്റാനിക്കര സ്വദേശികളുമായ അനഘ, രശ്മി എന്നിവരെ അരയൻകാവിലെ സ്വകാര്യ ആശുപത്രിയിലും ഡ്രൈവർ വൈക്കം സ്വദേശി സദാനന്ദനെ തലയോലപ്പറമ്പ് പൊതി സ്വകാര്യ ആശുപത്രിയിലും പ്രവേശിപ്പിച്ചു.

അപകടത്തെ തുടർന്ന് പ്രധാന റോഡിൽ ഒരു മണിക്കൂറോളം ഗതാഗതം തടസ്സപ്പെട്ടു. തലയോലപ്പറമ്പ് എസ്ഐ പി.എസ്.സുധീരന്റെ നേതൃത്വത്തിൽ പൊലീസ് എത്തിയാണ് ഗതാഗതം പുനഃസ്ഥാപിച്ചത്.

വൈദ്യുതി പോസ്റ്റ് ഒടിഞ്ഞതിനെ തുടർന്ന് പ്രദേശത്തെ വൈദ്യുതി വിതരണം നിലച്ചു.

…