സ്വന്തം ലേഖകൻ
എറണാകുളം: ആയുധങ്ങളുമായെത്തി മുവാറ്റുപുഴയിൽ മൂന്ന് വീടുകളിലായി മോഷണം . മോഷ്ടാക്കളുടെ സി.സി.ടി.വി ദൃശ്യങ്ങൾ പൊലീസ് പുറത്ത് വിട്ടു.
വെള്ളിയാഴ്ച അർദ്ധരാത്രി മുവാറ്റുപുഴ വാളകത്താണ് സംഭവം. മൂന്ന് വീടുകളിലാണ് ബൈക്കുകളിലെത്തിയ സംഘം മോഷണം നടത്തിയത്. ഹെൽമെറ്റ് ധരിച്ചാണ് സംഘം മോഷണത്തിനെത്തിയത്.
അതിനാൽ തന്നെ സിസിടിവി ദൃശ്യങ്ങളിൽ മോഷ്ടാക്കളുടെ മുഖം വ്യക്തമല്ല. മാരകായുധങ്ങളുമായി എത്തുന്ന സംഘം വീട്ടുകാരെയുൾപ്പെടെ ആക്രമിച്ച് മോഷണം നടത്തുന്നവരാണെന്ന് പൊലീസ് പറയുന്നു.
കഴിഞ്ഞ ദിവസം വാളകത്തെ ബദനിപ്പടിയിലാണ് സംഘം എത്തിയത്. മൂന്ന് വീടുകളിൽ മോഷണം നടത്താൻ പദ്ധതിയിട്ടെത്തിയ സംഘം ഒരു വീട്ടിലെ ആളുകളെ ആക്രമിക്കുകയും ചെയ്തു. വീട്ടുകാർ ബഹളം വെച്ചതിനെ തുടർന്ന് സംഘം ബൈക്കിൽ രക്ഷപ്പെടുകയായിരുന്നു.
The post മുവാറ്റുപുഴയിൽ ഹെൽമെറ്റ് ധരിച്ച് വടിവാളുമായെത്തി വീടുകളിൽ കവർച്ച; മോഷ്ടാക്കളുടെ സി.സി.ടി.വി ദൃശ്യങ്ങൾ പൊലീസിന്; അന്വേഷണം ആരംഭിച്ചു appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
