തൃശൂർ ജില്ലയിൽ ഇന്ന് (06-05-2025); അറിയാൻ, ഓർക്കാൻ
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
ഇന്ന്
തൃശൂർ പൂരത്തിന്റെ ഭാഗമായി ഇന്ന് രാവിലെ 6 മുതൽ നാളെ ഉച്ചയ്ക്കു പകൽപൂരം കഴിയുന്നതു വരെ തൃശൂർ നഗരത്തിലും പരിസര പ്രദേശങ്ങളിലും ഗതാഗത നിയന്ത്രണം ഏർപ്പെടുത്തി. സ്വരാജ് റൗണ്ടിൽ പുലർച്ചെ 5 മുതൽ പൂരച്ചടങ്ങുകൾ അവസാനിക്കുന്നതു വരെ വാഹന പാർക്കിങ് അനുവദിക്കില്ല. സ്വകാര്യവാഹനങ്ങൾക്കു റൗണ്ടിന്റെ ഔട്ടർ റിങ് വരെ മാത്രമേ പ്രവേശനം അനുവദിക്കൂ. നഗരത്തിനുള്ളിൽ താമസിക്കുന്നവരുടെ വാഹനങ്ങൾക്ക് അനുമതി ലഭിക്കുന്നതിനായി വാഹനത്തിന്റെ റജിസ്ട്രേഷൻ രേഖയും തിരിച്ചറിയൽ രേഖയും കരുതണം.
∙ മേയ് മാസത്തെ റേഷൻ വിതരണം ഇന്നു മുതൽ
കാലാവസ്ഥ
∙ ഒറ്റപ്പെട്ട പ്രദേശങ്ങളിൽ മിന്നലോടു കൂടിയ മഴയ്ക്കും കാറ്റിനും സാധ്യത
∙ കടലാക്രമണ സാധ്യത; മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം.
അപേക്ഷ ഫോം കൈപ്പറ്റാം
കാറളം ∙ പഞ്ചായത്തിലെ വാർഷിക പദ്ധതിയിൽ ഉൾപ്പെടുത്തി വിവിധ വ്യക്തിഗത ആനുകൂല്യങ്ങൾക്കുള്ള ഗുണഭോക്തൃ പദ്ധതികളുടെ അപേക്ഷ ഫോം അതതു വാർഡുകളിലെ അങ്കണവാടികളിൽ ലഭിക്കും. അപേക്ഷകൾ 15നു 3നു മുൻപ് അങ്കണവാടികളിൽ സമർപ്പിക്കണം.
വൈദ്യുതി മുടങ്ങും
ചേലക്കര ∙ സിവിൽ സ്റ്റേഷൻ, ചെട്ടിത്തെരുവ് ട്രാൻസ്ഫോമർ പരിസരങ്ങളിൽ ഇന്ന് 8.30 മുതൽ ഒരു മണി വരെയും പഴയ പള്ളി ട്രാൻസ്ഫോമർ പരിസരത്ത് 12 മുതൽ 5 വരെയും അംബേദ്കർ കോളനി, തീർഥ ട്രാൻസ്ഫോമർ പരിസരങ്ങളിൽ 9 മുതൽ 5 വരെയും വൈദ്യുതി മുടങ്ങും. പഴയന്നൂർ വെന്നൂർ മാഞ്ചാടി, വട്ടപ്പാറ ട്രാൻസ്ഫോമർ പരിധികളിൽ ഇന്ന് 9 മുതൽ 5 വരെ വൈദ്യുതി മുടങ്ങും.
