ഉണ്ണി മുകുന്ദൻ നായകനാവുന്ന പുതിയ ചിത്രത്തിന് കൈകൊടുത്ത് ആശീർവാദ് സിനിമാസ്. ഉണ്ണി നായകനാവുന്ന ഗെറ്റ് സെറ്റ് ബേബി എന്ന ചിത്രം ആശീർവാദ് സിനിമാസ് കേരളത്തിലെ തിയേറ്ററുകളിലെത്തിക്കും. സോഷ്യൽ മീഡിയയിലൂടെ ഉണ്ണി മുകുന്ദനും ആന്റണി പെരുമ്പാവൂരുമാണ് ഇക്കാര്യം അറിയിച്ചത്.
‘മഹാന്മാർക്കൊപ്പം നടക്കുമ്പോൾ ചില യാത്രകൾ പ്രത്യേകതയുള്ളതാകും’ എന്നാണ് മോഹൻലാലിനും ആന്റണി പെരുമ്പാവൂരിനുമൊപ്പമുള്ള ചിത്രം പങ്കുവെച്ച് ഉണ്ണി കുറിച്ചത്. ഉണ്ണി മുകുന്ദൻ ഐ വി എഫ് സ്പെഷ്യലിസ്റ്റ് ആയി എത്തുന്ന ‘ഗെറ്റ് സെറ്റ് ബേബി’ വിനയ് ഗോവിന്ദ് ആണ് സംവിധാനംചയ്യുന്നത്. കോഹിനൂറിന് ശേഷം വിനയ് ഒരുക്കുന്ന ചിത്രമാണിത്. നിഖില വിമൽ ആണ് നായിക.
സ്കന്ദാ സിനിമാസും കിംഗ്സ്മെൻ പ്രൊഡക്ഷൻസും സംയുക്തമായാണ് ചിത്രം നിർമ്മിക്കുന്നത്. സജീവ് സോമൻ, സുനിൽ ജയിൻ, പ്രക്ഷാലി ജെയിൻ എന്നിവർ നിർമ്മാണ പങ്കാളികളാവുന്നു. ചെമ്പൻ വിനോദ്, ജോണി ആൻ്റണി, ശ്യാം മോഹൻ, അഭിരാം, സുരഭി, മുത്തുമണി, സുധീഷ്, പുണ്യ എലിസബത്ത്, ഷിബില ഫറ, ദിനേശ് പ്രഭാകർ, ഭഗത് മാനുവൽ, മീര വാസുദേവ്, വർഷ രമേഷ്, ജുവൽ മേരി തുടങ്ങിയവരും പ്രധാന വേഷങ്ങളിൽ എത്തുന്നു.
വൈ വി രാജേഷും അനൂപ് രവീന്ദ്രനും ചേർന്നാണ് തിരക്കഥ. സാം സി.എസ്. സംഗീത സംവിധാനം നിർവഹിക്കുന്നു. ചിത്രത്തിന്റെ റിലീസ് തീയതി ഉടൻ പുറത്തുവിടും.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
