ഹൈദരാബാദ്: തെലങ്കാന സന്ദര്‍ശിക്കുന്ന കേന്ദ്ര ആഭ്യന്തര മന്ത്രി അമിത് ഷായെ ട്രോളി മുഖ്യമന്ത്രി കെ ചന്ദ്രശേഖര്‍ റാവുവിന്റെ പാര്‍ട്ടിയായ ഭാരത് രാഷ്ട്ര സമിതി. അമിത് ഷായെ ട്രോളി ‘വാഷിങ് പൗഡര്‍ നിര്‍മ്മ’ ബോര്‍ഡുകളാണ് നഗരത്തില്‍ വെച്ചിട്ടുളളത്. ബിജെപിയിലേക്ക് ചേക്കേറിയ ശേഷം വിവിധ കേസുകളിലെ അന്വേഷണം മരവിപ്പിക്കപ്പെട്ട നേതാക്കളുടെ മോര്‍ഫ് ചെയ്ത ചിത്രങ്ങളുള്‍പ്പെടുത്തിയാണ് ബോര്‍ഡ് സ്ഥാപിച്ചിട്ടുളളത്.
മറ്റ് പാര്‍ട്ടികളില്‍ നിന്ന് ബിജെപിയിലേക്ക് എത്തുന്നവരെ വെളുപ്പിക്കലാണ് നടക്കുന്നതെന്ന് ബിആര്‍എസ് ആരോപിക്കുന്നു. ഡല്‍ഹി മദ്യനയ അഴിമതി കേസില്‍ ബിആര്‍സി എംഎല്‍സി കെ കവിതയെ എന്‍ഫോഴ്‌സ്‌മെന്റ് ഡയറക്ടറേറ്റ് ചോദ്യം ചെയ്യുന്നതിനിടെയാണ് അമിത് ഷായെ ട്രോളിയുളള ഫ്‌ലക്‌സ് ബോര്‍ഡുകള്‍ ഹൈദരാബാദില്‍ ഉയര്‍ന്നത്. വിവിധ പാര്‍ട്ടികളില്‍ നിന്ന് ബിജെപിയിലേക്ക് പോയ ഹിമന്ത ബിശ്വ ശര്‍മ്മ, നാരായണ്‍ റാണെ, സുവേന്ദു അധികാരി, സുജന ചൗധരി, വിരുപാക്ഷപ്പ, ഈശ്വരപ്പ, ജ്യോതിരാദിത്യ സിന്ധ്യ, അര്‍ജുന്‍ ഖോട്കര്‍ തുടങ്ങിയവരാണ് ഫ്‌ളക്‌സിലുള്ളത്. വാഷിങ് പൗഡര്‍ നിര്‍മ്മ എന്ന പരസ്യത്തിലെ കുട്ടിയുടെ തലയുടെ ഭാഗത്ത് ആണ് നേതാക്കളുടെ ഫോട്ടോ പതിച്ചിട്ടുളളത്. ബൈ ബൈ മോദി എന്ന പരിഹാസ ബോര്‍ഡുകളും നഗരത്തില്‍ ഉയര്‍ന്നിട്ടുണ്ട്.
The post അമിത് ഷായെ സ്വീകരിക്കാന്‍ ട്രോള്‍ ബോര്‍ഡുമായി കെസിആര്‍ appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
