വസ്തു ഇടപാടുകൾക്ക് മധ്യപ്രദേശ് സംപദ 2.0 ആപ്പ് പുറത്തിറക്കി

ഇ-രജിസ്ട്രി, ഇ-രജിസ്ട്രേഷൻ ആപ്ലിക്കേഷൻ സംപദ 2.0 ഉദ്ഘാടനം ചെയ്ത് മധ്യപ്രദേശ് മുഖ്യമന്ത്രി ഡോ. മോഹൻ യാദവ്.

സാധാരണക്കാരുടെ ആവശ്യങ്ങൾ പൂർത്തീകരിക്കുന്ന സംവിധാനമാണ് പ്രധാനമന്ത്രി നരേന്ദ്ര മോദിയുടെ ഡിജിറ്റൽ ഇന്ത്യ മിഷൻ എന്ന് അദ്ദേഹം പറഞ്ഞു. സീറോ ബാലൻസ് അക്കൗണ്ടുകൾ, ഓൺലൈൻ ട്രാൻസാക്ഷനുകൾ, ഇ-രജിസ്ട്രി എന്നിവ ജീവിതം എളുപ്പമാക്കിയെന്നും അദ്ദേഹം പറഞ്ഞു.

സ്ഥലവുമായി ബന്ധപ്പെട്ട ഇടപാടുകൾ, രേഖകൾ, പരാതികൾ എന്നിവ എളുപ്പത്തിൽ പരിഹരിക്കുന്ന സംവിധാനമാണ് പുതുതമായി തുടങ്ങിയ സംപദ 2.0.

സംസ്ഥാനത്തിനകത്ത് മാത്രമല്ല പുറത്തുനിന്നും രാജ്യത്തിന് പുറത്തു നിന്നും ഇത് ഉപയോ​ഗിക്കാനാകും. കേന്ദ്ര സർക്കാർ മധ്യപ്രദേശിലെ 120 ന​ഗരങ്ങളിൽ ഐ.ടി വകുപ്പിന്റെ സഹായത്തോടെ ജി.ഐ.എസ് ലാബുകൾ സ്ഥാപിക്കുകയാണ്.

അധികം വൈകാതെ തന്നെ മധ്യപ്രദേശ് പേപ്പർ രഹിതമാകും. റവന്യൂ, ഫിനാൻസ്, അർബൻ അഡ്മിനിസ്ട്രേഷൻ വകുപ്പുകളും ജി.എസ്.ടി എന്നിവയുമായും സംപദ പ്രവർത്തിക്കും.

സോഫ്റ്റ് വെയർ ഉപയോ​ഗിച്ച് ജി.ഐ.എസ് മാപ്പിങ്. ബയോമെട്രിക് ഐഡി, ഡോക്യുമെന്റ് ഫോർമാറ്റിങ് എന്നിവയും സാധ്യമാകും.

രജിസ്ട്രേഷന് ഇനി നേരിട്ട് പോകേണ്ടതില്ല. വീട്ടിലിരുന്ന് തന്നെ വെരിഫിക്കേഷൻ നടത്താം.

വാട്ട്സാപ്പിലും മെയിലിലും സോഫ്റ്റ് കോപ്പികളായി രേഖകൾ ലഭ്യമാകും.
  …