സംസ്ഥാനത്ത് റോഡ് സുരക്ഷ ശക്തമാക്കുന്നതിന്റെ ഭാഗമായി പൊലീസിന്റെ നേതൃത്വത്തിൽ നടത്തിയ കർശന പരിശോധനയിൽ പ്രായപൂർത്തിയാകാത്ത മകന് ബൈക്ക് നൽകിയ അമ്മയ്ക്കും മദ്യലഹരിയിൽ സ്കൂൾ മിനിബസ് ഓടിച്ച ഡ്രൈവർക്കുമെതിരെയും നിയമനടപടി. തെന്മല കഴുതുരുട്ടിയിൽ കഴിഞ്ഞ ദിവസം രാത്രി 8 മണിക്ക് പൊലീസ് നടത്തിയ വാഹന പരിശോധനക്കിടെയാണ് സ്വന്തം ഉടമസ്ഥതയിലുള്ള ബൈക്ക് പ്രായപൂർത്തിയാകാത്ത മകന് നൽകിയതിന് അമ്മയ്ക്കെതിരെ കേസ് രജിസ്റ്റർ ചെയ്തത്.
തിങ്കൾക്കരികത്തും സമാനമായ പരിശോധനകൾ നടന്നു. ലൈസൻസില്ലാതെ ഇരുചക്ര വാഹനങ്ങളും ഓട്ടോറിക്ഷകളും ഓടിച്ച നിരവധി പേരാണ് ഈ പരിശോധനകളിൽ പിടിയിലായത്.
ഇതിനിടെ, അമ്പലക്കടവിൽ നടത്തിയ പരിശോധനയിൽ മദ്യപിച്ച് വാഹനം ഓടിച്ചതിന് കുളത്തൂപ്പുഴ പൊലീസ് മറ്റൊരു കേസും രജിസ്റ്റർ ചെയ്തു. മറ്റൊരു സംഭവത്തിൽ, ചാത്തന്നൂർ കോയിപ്പാട് ജംക്‌ഷനു സമീപം ഇന്നലെ രാവിലെ 8 മണിയോടെയാണ് മദ്യലഹരിയിൽ സ്കൂൾ മിനിബസ് അപകടകരമായ രീതിയിൽ അമിതവേഗത്തിൽ ഓടിച്ച ഡ്രൈവറുടെ വിവരങ്ങൾ പുറത്തുവന്നത്.
ആദിച്ചനല്ലൂർ വെളിച്ചിക്കാല സ്വദേശിയായ ഡ്രൈവർക്കെതിരെയാണ് ചാത്തന്നൂർ പൊലീസ് കേസെടുത്തിട്ടുള്ളത്. സ്കൂൾ വിദ്യാർത്ഥികളുമായി സഞ്ചരിച്ചിരുന്ന മിനിബസ് അമിതവേഗത്തിലും യാത്രാചട്ടങ്ങൾ ലംഘിച്ചും പോകുന്നത് ശ്രദ്ധയിൽപെട്ടതിനെ തുടർന്ന് ഉദ്യോഗസ്ഥർ വാഹനം തടഞ്ഞുനിർത്തി പരിശോധിക്കുകയായിരുന്നു.
അതേസമയം, സംസ്ഥാന വ്യാപകമായി നടപ്പിലാക്കിയ സ്പെഷൽ ഡ്രൈവിന്റെ ഭാഗമായി ഒറ്റ ദിവസത്തെ പരിശോധനയിൽ മാത്രം 39 ഡ്രൈവർമാർ നിയമലംഘനത്തിന് പിടിയിലായി. ഇതിൽ മദ്യപിച്ച് വാഹനം ഓടിച്ച 18 പേരും പ്രായപൂർത്തിയാകാതെ ഇരുചക്ര വാഹനം ഓടിച്ച ഒരു കുട്ടിയും ഉൾപ്പെടുന്നു.
കൊല്ലം സിറ്റി പൊലീസ് പരിധിയിൽ സർവീസ് നടത്തുന്ന സ്കൂൾ ബസുകളും മറ്റ് സ്വകാര്യ കോൺട്രാക്ട് വാഹനങ്ങളും കേന്ദ്രീകരിച്ചായിരുന്നു പ്രധാന പരിശോധന. സ്കൂൾ ബസ് ഡ്രൈവർമാർ ലഹരിവസ്തുക്കൾ ഉപയോഗിച്ചിട്ടുണ്ടോ എന്ന് പരിശോധിക്കുന്നതിനാണ് അധികൃതർ മുൻഗണന നൽകിയത്.
ചാത്തന്നൂർ എസിപി പി.എസ്.രാകേഷ് നൽകിയ പ്രത്യേക നിർദ്ദേശത്തിന്റെ അടിസ്ഥാനത്തിലാണ് കണ്ണനല്ലൂർ, കൊട്ടിയം, ചാത്തന്നൂർ, പരവൂർ, പാരിപ്പള്ളി എന്നീ പൊലീസ് സ്റ്റേഷൻ പരിധികളിൽ വ്യാപകമായ പരിശോധനകൾ പൂർത്തിയായത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
