മെസ്സേജിങ് പ്ലാറ്റ്ഫോമായ വാട്സാപ്പ് തങ്ങളുടെ പ്ലാറ്റ്ഫോമിൽ ഏറെ നാളായി പ്രതീക്ഷിച്ചിരുന്ന യൂസർനെയിം സംവിധാനം അവതരിപ്പിക്കാൻ ഒരുങ്ങുന്നു. 2023 മുതൽ വികസനഘട്ടത്തിലായിരുന്ന ഈ ഫീച്ചർ 2026 അവസാനത്തോടെ പൂർണ്ണമായി ലഭ്യമാകും.
യൂസർനെയിമുകൾ നിലവിൽ വരുന്നതോടെ ഫോൺ നമ്പറുകൾ വെളിപ്പെടുത്താതെ തന്നെ പുതിയ ഉപയോക്താക്കളുമായി ബന്ധപ്പെടാൻ സാധിക്കും. ഈ പുതിയ മാറ്റത്തിന്റെ ഭാഗമായി തങ്ങളുടെ യൂസർനെയിം മുൻകൂട്ടി റിസർവ് ചെയ്യാനുള്ള അവസരം വാട്സാപ്പ് ഇപ്പോൾ ഉപയോക്താക്കൾക്ക് നൽകുന്നുണ്ട്.
കമ്പനി പുറത്തിറക്കിയ ഔദ്യോഗിക കുറിപ്പിൽ ഇങ്ങനെ വ്യക്തമാക്കുന്നു: “Starting this week, you can reserve a username to use later this year when we launch this feature”. ലോകമെമ്പാടും 300 കോടിയിലധികം ഉപയോക്താക്കളുള്ള വാട്സാപ്പിൽ, തങ്ങൾക്ക് അനുയോജ്യമായ യൂസർനെയിമുകൾ നേരത്തെ തന്നെ സ്വന്തമാക്കാൻ ഇത് അവസരമൊരുക്കും.
ഒരു ഉപയോക്താവിന് തങ്ങളുടെ പ്രിയപ്പെട്ട യൂസർനെയിം മറ്റാരും എടുക്കാതിരിക്കാൻ ഈ മുൻകൂർ റിസർവേഷൻ സഹായിക്കും.
എങ്കിലും, വാട്സാപ്പിൽ രജിസ്റ്റർ ചെയ്യാൻ നിലവിലും സാധുവായ ഫോൺ നമ്പർ നിർബന്ധമാണ്. ഈ സൗകര്യം ഉപയോഗപ്പെടുത്താൻ ആഗ്രഹിക്കുന്നവർ വാട്സാപ്പ് ആപ്പ് ഏറ്റവും പുതിയ പതിപ്പിലേക്ക് അപ്ഡേറ്റ് ചെയ്യേണ്ടതാണ്.
ആപ്പിലെ Settings > Account > Username എന്ന ഭാഗത്ത് ലഭ്യമാകുന്ന ഈ ഓപ്ഷൻ ഘട്ടംഘട്ടമായാണ് ഉപയോക്താക്കളിലേക്ക് എത്തുന്നത്. ഈ ഫീച്ചർ ഓപ്ഷണൽ ആണെന്നും, താല്പര്യമുള്ളവർക്ക് മാത്രം തിരഞ്ഞെടുക്കാമെന്നും കമ്പനി വ്യക്തമാക്കിയിട്ടുണ്ട്.
വരും ദിവസങ്ങളിൽ ആൻഡ്രോയിഡ്, ഐഒഎസ് ഉപയോക്താക്കൾക്ക് ഈ സേവനം പൂർണ്ണമായി ലഭ്യമാകും.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
