സാംസങ് ഗാലക്സി ഇസഡ് ഫോൾഡ് 8 സ്മാർട്ട്ഫോൺ വിപണിയിൽ പ്രതീക്ഷിച്ചതിലും മികച്ച പ്രീ-ഓർഡർ മുന്നേറ്റം കുറിക്കുന്നതായി റിപ്പോർട്ട്. കമ്പനിയുടെ ഉയർന്ന മോഡലായ ഇസഡ് ഫോൾഡ് 8 അൾട്രായെക്കാൾ ഉയർന്ന വിൽപ്പനയാണ് അടിസ്ഥാന മോഡലായ ഇസഡ് ഫോൾഡ് 8 നേടുന്നത്.
കൊറിയൻ ടിപ്സ്റ്ററായ ലാൻസൂക് പുറത്തുവിട്ട വിവരങ്ങൾ പ്രകാരം, പുതിയ ഫോൾഡബിൾ ഫോണിന്റെ ആവശ്യക്കാരുടെ എണ്ണം സാംസങ്ങിന്റെ കണക്കുകൂട്ടലുകളെക്കാൾ വളരെ കൂടുതലാണ്.
അൾട്രാ മോഡലിനേക്കാൾ 40 ശതമാനം അധികം സ്റ്റോക്ക് ഗാലക്സി ഇസഡ് ഫോൾഡ് 8 ഉൽപ്പാദനത്തിനായി മുൻകൂട്ടി തീരുമാനിച്ചിരുന്നെങ്കിലും, ലഭിച്ച പ്രീ-ഓർഡറുകൾ പൂർണ്ണമായി നിറവേറ്റാൻ സ്റ്റോക്ക് തികയാത്ത സാഹചര്യം കമ്പനി നേരിടുന്നുണ്ട്. പ്രമുഖ ടെക് അനലിസ്റ്റായ ഐസ് യൂണിവേഴ്സ് പങ്കുവെച്ച റിപ്പോർട്ടുകളും ഇത് ശരിവെക്കുന്നു.
സാംസങ്ങിന്റെ സ്വന്തം രാജ്യമായ ദക്ഷിണ കൊറിയയിൽ ഇസഡ് ഫോൾഡ് 8 വലിയ തോതിൽ വിറ്റഴിക്കപ്പെടുന്നുണ്ടെന്നാണ് വിവരങ്ങൾ. സാംസങ്ങിന്റെ ചരിത്രത്തിൽ ഏറ്റവും കൂടുതൽ വിറ്റഴിക്കപ്പെടുന്ന ഫോൾഡബിൾ ഫോണായി ഈ ഉപകരണം മാറാൻ സാധ്യതയുണ്ടെന്നും അദ്ദേഹം നിരീക്ഷിക്കുന്നു.
സാധാരണയായി സാംസങ്ങിന്റെ ‘അൾട്രാ’ സീരീസുകൾക്കാണ് വിപണിയിൽ കൂടുതൽ വിൽപ്പന ലഭിക്കാറുള്ളത്. എന്നാൽ ഇത്തവണ വീതികൂടിയ ഫോം ഫാക്ടറിലും താരതമ്യേന കുറഞ്ഞ വിലയിലും ലഭ്യമാക്കിയ ഇസഡ് ഫോൾഡ് 8 ഉപഭോക്താക്കൾക്കിടയിൽ വേഗത്തിൽ സ്വീകാര്യത നേടി.
നീളമേറിയ സ്മാർട്ട്ഫോൺ ഡിസൈനുകളിൽ നിന്ന് വ്യത്യസ്തമായ രൂപകൽപ്പനയിലേക്ക് ഉപഭോക്താക്കൾ താല്പര്യം കാണിക്കുന്നതിന്റെ സൂചനയായാണ് ടെക് ലോകം ഇതിനെ വിലയിരുത്തുന്നത്. അന്തിമ വിൽപ്പന കണക്കുകൾ സാംസങ് ഔദ്യോഗികമായി പുറത്തുവിട്ടിട്ടില്ലെങ്കിലും, വിപണിയിലെ ആദ്യ പ്രതികരണങ്ങൾ പുതിയ മോഡലിന് വലിയ നേട്ടമാകുമെന്നാണ് സൂചനകൾ നൽകുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
