കേരളത്തിലെ എഞ്ചിനീയർമാർ, ആർക്കിടെക്റ്റുകൾ മറ്റ് നിർമ്മാണ മേഖലയിലെ പ്രൊഫഷണലുകൾ എന്നിവർക്കായി സംഘടിപ്പിക്കുന്ന അഭിമാനാർഹമായ സംഗമമായ “എഞ്ചിനീയേഴ്സ് അവാർഡ്സ് ആൻഡ് കോൺക്ലേവ് 2026” വരുന്ന സെപ്റ്റംബർ 26-ന് കൊച്ചിയിലെ കലൂർ ഗോകുലം കൺവെൻഷൻ സെന്ററിൽ വെച്ച് അരങ്ങേറും. ലൈസൻസഡ് എഞ്ചിനീയേഴ്സ് ആൻഡ് സൂപ്പർവൈസേഴ്സ് ഫെഡറേഷന്റെ (LENSFED) നേതൃത്വത്തിലാണ് ഈ ബ്രഹ്മാണ്ഡ പരിപാടി ഒരുക്കുന്നത്.
അന്നേദിവസം രാവിലെ കൃത്യം 9-ന് കേരള മുഖ്യമന്ത്രി വി ഡി സതീശൻ ചടങ്ങിന്റെ ഔദ്യോഗിക ഉദ്ഘാടനം നിർവഹിക്കും. സംസ്ഥാനത്തെ പ്രമുഖ മന്ത്രിമാർ, മുതിർന്ന ബ്യൂറോക്രാറ്റുകൾ, പ്രശസ്തരായ ആർക്കിടെക്റ്റുകൾ, സ്ട്രക്ചറൽ എഞ്ചിനീയർമാർ, പ്രമുഖ ബിൽഡർമാർ, വികസന നയരൂപകർത്താക്കൾ എന്നിവർ ഈ സംഗമത്തിൽ സന്നിഹിതരായിരിക്കും.
കേരള ഗ്രാമീണ ബാങ്ക് ആണ് ഈ പരിപാടിയുടെ പ്രധാന പങ്കാളി. നിർമ്മാണ രംഗത്തെ അത്യാധുനിക സാങ്കേതികവിദ്യകൾ, ഊർജ്ജക്ഷമത ഉറപ്പാക്കുന്ന രീതികൾ, ഹരിത നിർമ്മാണ മാതൃകകൾ, ഈ മേഖല നേരിടാൻ പോകുന്ന ഭാവി വെല്ലുവിളികൾ എന്നിവയെക്കുറിച്ച് ചർച്ച ചെയ്യുന്ന ഉന്നതതല കോൺക്ലേവ് ചടങ്ങിന്റെ ഭാഗമായി നടക്കും.
കൂടാതെ, നിർമ്മാണ മേഖലയിൽ മികവ് പുലർത്തുന്ന വിവിധ വിഭാഗങ്ങളിലെ പ്രതിഭകളെയും മികച്ച പ്രൊജക്റ്റുകളെയും ചടങ്ങിൽ ആദരിച്ച് പുരസ്കാരങ്ങൾ സമ്മാനിക്കും. നിർമ്മാണ മേഖലയിലെ പുത്തൻ ബ്രാൻഡുകളെയും ഉൽപ്പന്നങ്ങളെയും നേരിട്ട് പരിചയപ്പെടാനുള്ള വിപുലമായ എക്സ്പോയും ഇതിനോടനുബന്ധിച്ച് ഒരുക്കിയിട്ടുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
