കോഴിക്കോട് താമരശ്ശേരി പഴയ ബസ് സ്റ്റാന്റ് കെട്ടിടത്തിൽ നിന്ന് കോൺക്രീറ്റ് പാളികൾ അടർന്നുവീണു. ഞായറാഴ്ച രാവിലെ 9:15-ഓടെയാണ് സംഭവം നടന്നത്.
ഷോപ്പിങ് കോംപ്ലക്സിന്റെ കംഫർട്ട് സ്റ്റേഷനോട് ചേർന്നുള്ള ബീമിന്റെ ഭാഗമാണ് പെട്ടെന്ന് താഴേക്ക് പതിച്ചത്. സമീപത്ത് നിർത്തിയിട്ടിരുന്ന ബൈക്കിന് സമീപം നിൽക്കുകയായിരുന്ന യാത്രക്കാരനാണ് അത്ഭുതകരമായി രക്ഷപ്പെട്ടത്.
കോൺക്രീറ്റ് അടർന്നുവീഴുന്ന വലിയ ശബ്ദം കേട്ട ഉടൻ തന്നെ ഇയാൾ ഓടിമാറിയതിനാൽ വലിയൊരു അപകടം ഒഴിവായി.
സാധാരണയായി ഈ ഭാഗത്ത് എപ്പോഴും യാത്രക്കാരുടെ വലിയ തിരക്ക് അനുഭവപ്പെടാറുണ്ട്. എന്നാൽ, ഞായറാഴ്ചയായതിനാൽ ആളുകളുടെ എണ്ണം കുറവായിരുന്നത് വലിയ ദുരന്തം ഒഴിവാക്കി.
കെട്ടിടത്തിന്റെ ബീമുകളിലും തൂണുകളിലും ഇതിനകം തന്നെ നിരവധി വിള്ളലുകൾ രൂപപ്പെട്ടിട്ടുണ്ട്. കൂടാതെ സീലിങ്ങിന്റെ പല ഭാഗങ്ങളും ഇതിനോടകം തന്നെ അടർന്നുവീണ നിലയിലാണ്.
കെട്ടിടത്തിന്റെ ഈ ശോച്യാവസ്ഥ പരിഹരിക്കാൻ അടിയന്തര നടപടികൾ സ്വീകരിച്ചില്ലെങ്കിൽ വലിയൊരു അപകടത്തിന് ഈ പ്രദേശം സാക്ഷ്യം വഹിക്കേണ്ടി വരുമെന്ന് പ്രദേശത്തെ വ്യാപാരികൾ മുന്നറിയിപ്പ് നൽകുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
