സത്യപ്രതിജ്ഞ: നിബന്ധനകൾ ലംഘിച്ചാൽ നടപടി ഉറപ്പ്; മുൻ അനുഭവങ്ങൾ ഓർമ്മിപ്പിച്ച് നിയമനടപടികൾ

തിരുവനന്തപുരം നഗരസഭയിലെ ബിജെപി അംഗങ്ങൾ സത്യപ്രതിജ്ഞാ വേളയിൽ നിശ്ചിത മാതൃകയ്ക്ക് വിരുദ്ധമായി ദൈവങ്ങളുടെ പേര് ഉപയോഗിച്ച സംഭവം നിയമപരമായ ചർച്ചകൾക്ക് വഴിയൊരുക്കുന്നു. നിശ്ചയിക്കപ്പെട്ട

ചട്ടങ്ങൾ പാലിക്കാത്തതിനെത്തുടർന്ന് ഈ അംഗങ്ങളുടെ സത്യപ്രതിജ്ഞ ഹൈക്കോടതി അസാധുവാക്കി. നിയമപ്രകാരം വീണ്ടും സത്യപ്രതിജ്ഞ ചെയ്യാനാണ് കോടതി നിർദ്ദേശിച്ചിരിക്കുന്നത്.

നിയമവശങ്ങൾ പരിശോധിക്കുമ്പോൾ
പഞ്ചായത്തീരാജ് നിയമത്തിലെ രണ്ടാം പട്ടികയിലും മുനിസിപ്പാലിറ്റി നിയമത്തിലെ മൂന്നാം പട്ടികയിലും സത്യപ്രതിജ്ഞയ്ക്കായി കൃത്യമായ മാതൃകകൾ (Format) വ്യക്തമായി പ്രതിപാദിച്ചിട്ടുണ്ട്. ബന്ധപ്പെട്ട

നിയമങ്ങളുടെ മൂന്നാം ഷെഡ്യൂൾ പ്രകാരം, സത്യപ്രതിജ്ഞ ചെയ്യേണ്ടത് ‘ദൈവ നാമത്തിൽ (in the name of God/solemnly affirm)’ അല്ലെങ്കിൽ ‘സഗൗരവം’ എന്ന രീതിയിലായിരിക്കണം. നിശ്ചിത സത്യവാചകത്തിൽ ഉൾപ്പെടാത്ത പേരുകൾ ചേർത്ത് സത്യപ്രതിജ്ഞ ചെയ്യുന്നത് നിയമപരമായി നിലനിൽക്കില്ലെന്നാണ് ഈ രംഗത്തെ വിദഗ്ധർ ചൂണ്ടിക്കാട്ടുന്നത്.

ഇത്തരം സാഹചര്യങ്ങളിൽ കോടതിയെ സമീപിച്ചാൽ, വീണ്ടും യഥാവിധി സത്യപ്രതിജ്ഞ ചെയ്യാൻ ഉത്തരവുണ്ടാകുമെന്നതും നിയമപരമായ വശമാണ്. മുൻകാല വിധിന്യായങ്ങൾ
സമാനമായ രീതിയിൽ നിയമസഭാ തിരഞ്ഞെടുപ്പിലും കോടതി ഇടപെടലുകൾ ഉണ്ടായിട്ടുണ്ട്.

2001-ലെ തിരഞ്ഞെടുപ്പിൽ കൊടുങ്ങല്ലൂർ മണ്ഡലത്തിൽ നിന്നും വിജയിച്ച ജെഎസ്എസ് നേതാവ് ഉമേഷ് ചള്ളിയിൽ, സത്യപ്രതിജ്ഞാ വേളയിൽ ഗുരുദേവന്റെ പേര് പരാമർശിച്ചത് 2003-ൽ ഹൈക്കോടതി റദ്ദാക്കിയിരുന്നു. അംഗമായി തുടരണമെങ്കിൽ അദ്ദേഹം വീണ്ടും സത്യപ്രതിജ്ഞ ചെയ്യണമെന്നും, അതുവരെ സഭയിൽ പങ്കെടുത്ത ഓരോ ദിവസത്തിനും പിഴ അടയ്ക്കണമെന്നും ഡിവിഷൻ ബെഞ്ച് ഉത്തരവിട്ടു.

ഈ വിധിയെത്തുടർന്ന് ഉമേഷ് ചള്ളിയിൽ വീണ്ടും സത്യപ്രതിജ്ഞ ചെയ്യാൻ നിർബന്ധിതനായി. പിഴയായി 41,500 രൂപയാണ് അദ്ദേഹം അടയ്‌ക്കേണ്ടി വന്നത്.

ഈ വിധി ചോദ്യം ചെയ്തുകൊണ്ട് സമർപ്പിച്ച അപ്പീലിലും ഹൈക്കോടതിയുടെ തീരുമാനം സുപ്രീം കോടതി ശരിവെക്കുകയായിരുന്നു. തിരഞ്ഞെടുക്കപ്പെട്ട

ജനപ്രതിനിധികൾ ഭരണഘടനാപരവും നിയമപരവുമായ ചട്ടക്കൂടുകൾ കർശനമായി പാലിക്കേണ്ടതുണ്ടെന്ന മുന്നറിയിപ്പാണ് ഇത്തരം സംഭവങ്ങൾ നൽകുന്നത്.