മുട്ടിൽ മരംമുറി കേസിൽ എൽഡിഎഫ് സർക്കാരിന്റെ ഭാഗത്തുനിന്നുണ്ടാകുന്ന നടപടികൾ വിവാദത്തിലേക്ക്. കേസിന്റെ നടത്തിപ്പിൽ നിർണായക പങ്കുവഹിക്കുന്ന സ്പെഷ്യൽ പബ്ലിക് പ്രോസിക്യൂട്ടറെ മാറ്റണമെന്ന അന്വേഷണ ഉദ്യോഗസ്ഥന്റെ ആവശ്യം സർക്കാർ അവഗണിക്കുകയാണ്.
നിലവിലെ സ്പെഷ്യൽ പബ്ലിക് പ്രോസിക്യൂട്ടറുടെ പ്രവർത്തനങ്ങളിൽ അതൃപ്തി രേഖപ്പെടുത്തിയ അന്വേഷണസംഘം, അദ്ദേഹത്തിന്റെ നീക്കങ്ങളിൽ ദുരൂഹതയുണ്ടെന്ന് നേരത്തെ തന്നെ ആരോപിച്ചിരുന്നു. അഡ്വ.
ജോസഫ് മാത്യുവിനെ സ്പെഷ്യൽ പബ്ലിക് പ്രോസിക്യൂട്ടർ സ്ഥാനത്തുനിന്നും നീക്കം ചെയ്യണമെന്നാണ് അന്വേഷണ ഉദ്യോഗസ്ഥന്റെ പ്രധാന ആവശ്യം. ഇതുമായി ബന്ധപ്പെട്ട് അന്വേഷണസംഘം സർക്കാരിന് റിപ്പോർട്ട് സമർപ്പിച്ചിട്ട് ഒരു വർഷം പിന്നിട്ടിട്ടും നടപടികൾ സ്വീകരിക്കാൻ അധികൃതർ തയ്യാറായിട്ടില്ല.
ക്രൈംബ്രാഞ്ച് ഡിവൈഎസ്പി നൽകിയ റിപ്പോർട്ടിൽ പ്രോസിക്യൂട്ടറുടെ ഇടപെടലുകളെക്കുറിച്ച് ഗുരുതരമായ പരാമർശങ്ങളുണ്ടായിരുന്നു. പ്രോസിക്യൂട്ടറുടെ നിലപാടുകൾ കേസിന്റെ മുന്നോട്ട് പോക്കിനെ പ്രതികൂലമായി ബാധിക്കുന്നുവെന്ന വിലയിരുത്തലിലാണ് ഉദ്യോഗസ്ഥർ.
നിലവിലെ സാഹചര്യത്തിൽ എൽഡിഎഫ് സർക്കാരിൽ നിന്ന് നീതി ലഭിക്കില്ലെന്ന നിഗമനത്തിലാണ് അന്വേഷണസംഘമെന്നും, തൽഫലമായി യുഡിഎഫ് സർക്കാരിൽ പ്രതീക്ഷ അർപ്പിക്കുകയാണെന്നുമാണ് റിപ്പോർട്ടുകൾ സൂചിപ്പിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
