ജപ്പാനിൽ ഡുജുആൻ ചുഴലിക്കാറ്റ് തീർത്ത ദുരന്തം; ആറുപേർ മരിച്ചു, വ്യാപക നാശനശം

ടോക്കിയോ: ജപ്പാനിൽ ആഞ്ഞടിച്ച ഡുജുആൻ ചുഴലിക്കാറ്റിൽ വൻ നാശനഷ്ടം. കനത്ത മഴ, പ്രളയം, മണ്ണടിച്ചിൽ എന്നിവയെത്തുടർന്നുണ്ടായ ദുരന്തങ്ങളിൽ 6 പേർ കൊല്ലപ്പെട്ടു.

സംഭവത്തിൽ 22 ലേറെ പേർക്ക് പരിക്കേറ്റിട്ടുണ്ട്. നിരവധി ആളുകളെ ഇനിയും കണ്ടെത്താനുണ്ടെന്നാണ് റിപ്പോർട്ട്.

പ്രതികൂല കാലാവസ്ഥയെ തുടർന്ന് മുന്നൂറോളം വിമാന സർവീസുകൾ റദ്ദാക്കി. ടോക്കിയോയിലും സമീപ സംസ്ഥാനങ്ങളിലും അതിശക്തമായ കാറ്റും മഴയുമാണ് അനുഭവപ്പെട്ടത്.

ജപ്പാന്റെ പസഫിക് തീരത്തുകൂടി കടന്നുപോയ ചുഴലിക്കാറ്റ് രാജ്യത്ത് വലിയ തോതിലുള്ള പ്രതിസന്ധിയാണ് സൃഷ്ടിച്ചിരിക്കുന്നത്. കനത്ത മഴയെത്തുടർന്ന് ചിബ പ്രവിശ്യയിലെ അമ്പത്തെണ്ണായിരത്തോളം വീടുകളിൽ വൈദ്യുതി ബന്ധം പൂർണ്ണമായി നഷ്ടമായി.

ആകെ 50,000 വീടുകളിൽ വൈദ്യുതി മുടങ്ങിയതായാണ് കണക്കുകൾ വ്യക്തമാക്കുന്നത്. പല വീടുകളിലേക്കും വെള്ളം ഇരച്ചുകയറി.

ജപ്പാനിൽ സിൽവർ വീക്ക് എന്നറിയപ്പെടുന്ന പ്രത്യേക അവധിക്കാലത്താണ് ഈ പ്രകൃതിദുരന്തം രാജ്യത്തെ ബാധിച്ചത്. ഓഗസ്റ്റിലും സെപ്റ്റംബർ തുടക്കത്തിലും ശക്തമായ മഴ നേരിട്ട

ചിബ പ്രവിശ്യ തന്നെയാണ് ഈ കൊടുങ്കാറ്റിന്റെ ആഘാതം ഏറ്റവുമധികം അനുഭവിച്ചിട്ടുള്ളത്. ചിബയിൽ മാത്രം റോഡ് പുനരുദ്ധാരണ പ്രവർത്തനങ്ങളിൽ ഏർപ്പെട്ടിരുന്ന അമ്പത്തൊന്നുകാരൻ ഉൾപ്പെടെ അഞ്ചുപേർ മരണപ്പെട്ടതായി അധികൃതർ സ്ഥിരീകരിച്ചിട്ടുണ്ട്.

ഈ ദുരന്തത്തിൽ ജീവൻ നഷ്ടപ്പെട്ട മറ്റുള്ളവർ 70നും 80നും ഇടയിൽ പ്രായമുള്ളവരാണ്.

ടോക്കിയോയ്ക്ക് സമീപമുള്ള കനഗാവ പ്രവിശ്യയിലെ യോക്കോസുക, മിയുര എന്നിവിടങ്ങളിൽ തുടർച്ചയായി മണ്ണടിച്ചിലുകൾ ഉണ്ടായതായി അധികൃതർ അറിയിച്ചു. ദുരന്തത്തിൽ കാണാതായ നാലുപേർക്കായി പോലീസ് തിരച്ചിൽ ഊർജ്ജിതമായി തുടരുകയാണ്.