യന്ത്രങ്ങളിൽ നിന്നുള്ള താപം വൈദ്യുതിയാക്കി മാറ്റാം; കാഞ്ഞിരപ്പള്ളി സ്വദേശി ഡോ. എം. ദീപുവിന് കൊറിയൻ സർക്കാരിന്റെ പേറ്റന്റ്

യന്ത്രങ്ങളുടെ പ്രവർത്തനത്തിനിടയിൽ നഷ്ടമാകുന്ന താപത്തെ ഫലപ്രദമായി വൈദ്യുതിയാക്കി മാറ്റാൻ സാധിക്കുന്ന നൂതന സാങ്കേതികവിദ്യ വികസിപ്പിച്ച കാഞ്ഞിരപ്പള്ളി സ്വദേശി ഡോ. എം.

ദീപുവിന് കൊറിയൻ സർക്കാരിന്റെ ഔദ്യോഗിക പേറ്റന്റ് ലഭിച്ചു. സൗത്ത് കൊറിയയിലെ ക്യുങ്പൂക്ക് നാഷനൽ യൂണിവേഴ്സിറ്റിയിൽ നിന്നും കെമിക്കൽ എൻജിനീയറിങ്ങിൽ പിഎച്ച്ഡി കരസ്ഥമാക്കിയ അദ്ദേഹം, നിലവിൽ അതേ സർവകലാശാലയിൽ ഗവേഷകനായി സേവനം അനുഷ്ഠിച്ചുവരികയാണ്.

യന്ത്രങ്ങളിൽ നിന്നും ഉപകരണങ്ങളിൽ നിന്നും പുറന്തള്ളപ്പെടുന്ന ചൂടിനെ കൂടുതൽ കാര്യക്ഷമതയോടെ ഊർജ്ജമാക്കി മാറ്റാൻ ഉതകുന്ന ഹൈബ്രിഡ് മെറ്റീരിയൽ ഉപകരണമാണ് ഇദ്ദേഹം വിജയകരമായി കണ്ടുപിടിച്ചിരിക്കുന്നത്. വാഹനങ്ങളുടെ എൻജിനുകൾ, വിവിധ വ്യവസായശാലകൾ, താപവൈദ്യുത നിലയങ്ങൾ, മറ്റ് ഇലക്ട്രോണിക് ഉപകരണങ്ങൾ എന്നിവയിൽ നിന്നും വെറുതെ നഷ്ടമാകുന്ന ചൂടിനെ തിരിച്ചുപിടിച്ച് വൈദ്യുതി ഉൽപാദിപ്പിക്കാൻ ഈ നൂതന താപ വൈദ്യുത ഉപകരണത്തിന് സാധിക്കുമെന്ന് വിലയിരുത്തപ്പെടുന്നു.

ഇത്തരം യന്ത്രങ്ങളുടെ വിവിധ ഭാഗങ്ങളിൽ ഈ താപവൈദ്യുത ഉപകരണങ്ങൾ ഘടിപ്പിച്ചാണ് വൈദ്യുതി ഉൽപാദനം പ്രായോഗികമാക്കുന്നത്. ഈ രീതിയിൽ ഉൽപാദിപ്പിക്കപ്പെടുന്ന വൈദ്യുതി ആവശ്യമുള്ള പക്ഷം ബാറ്ററികളിൽ സുരക്ഷിതമായി ശേഖരിച്ചുവെക്കാനോ അതല്ലെങ്കിൽ തൽക്ഷണം യന്ത്രങ്ങളിൽ തന്നെ പുനരുപയോഗിക്കാനോ സാധിക്കുമെന്നതാണ് ഇതിന്റെ പ്രധാന പ്രത്യേകത.

ഇതിനുപുറമെ, തികച്ചും പരിസ്ഥിതി സൗഹൃദപരവും അപകടരഹിതവുമായ രീതിയിൽ പുതിയൊരു ബാറ്ററി വികസിപ്പിച്ചെടുത്തതിനും ഡോ. എം.

ദീപുവിന് കൊറിയൻ സർക്കാരിന്റെ മറ്റൊരു പേറ്റന്റ് കൂടി ലഭിക്കുകയുണ്ടായി. കോട്ടയം സിഎംഎസ് കോളജിൽ നിന്നും എംഎസ്‌സി അനലിറ്റിക്കൽ കെമിസ്ട്രി ഉന്നത വിജലത്തോടെ പൂർത്തിയാക്കിയ വ്യക്തിയാണ് അദ്ദേഹം.

ഇടക്കുന്നം കൂവപ്പള്ളി ഉഷസ്സ് ഭവനിൽ എ. മുരുകദാസ് – ടി.

ദീപ ദമ്പതികളുടെ മകനാണ് ഈ നേതകനേട്ടം കൈവരിച്ചിരിക്കുന്നത്.