ഓപ്പറേഷൻ സിന്ദൂർ രാജ്യസഭയിൽ ചർച്ച ചെയ്യും; പ്രധാനമന്ത്രി പങ്കെടുക്കും, ട്രംപിന്റെ ‘വെടിനിർത്തൽ’ അവകാശവാദം തള്ളുമോ?

ന്യൂഡൽഹി∙ പാക്കിസ്ഥാനിലെ ഭീകര പരിശീലനകേന്ദ്രങ്ങൾ ലക്ഷ്യമിട്ട് ഇന്ത്യ നടത്തിയ കുറിച്ച് രാജ്യസഭ ചർച്ച ചെയ്യും. ജൂലൈ 29 ചൊവ്വാഴ്ചയാണ് രാജ്യസഭയിൽ ചർച്ച നടക്കുക.

പ്രധാനമന്ത്രി ചർച്ചയിൽ പങ്കെടുത്ത് സംസാരിക്കുമെന്ന് എൻഡിടിവി റിപ്പോർട്ട് ചെയ്തു. ജമ്മു കശ്മീരിലെ പഹൽഗാമിൽ 26 പേരുടെ മരണത്തിനിടയാക്കിയ ഭീകരാക്രമണത്തിനു മറുപടിയായാണ് കര–വ്യോമ–നാവിക സേനകളുടെ നേതൃത്വത്തിൽ ഇന്ത്യ ഓപ്പറേഷൻ സിന്ദൂർ നടത്തിയത്.

നടത്തിയ സായുധ സേനയുടെ നടപടിയെക്കുറിച്ച് പ്രധാനമന്ത്രി പാർലമെന്റിൽ സംസാരിക്കണമെന്ന് ആവശ്യപ്പെട്ട് പ്രതിപക്ഷം നേരത്തെ രംഗത്തെത്തിയിരുന്നു.
ഈ ആഴ്ച പ്രധാനമന്ത്രി യുകെ സന്ദർശനം നടത്തുന്നുണ്ട്. ഇന്ത്യയും – യുകെയുമായുള്ള നിർണായകമായ വ്യാപാര കരാറിൽ സന്ദർശനത്തിനിടെ ഒപ്പുവയ്ക്കുമെന്നാണ് പ്രതീക്ഷ.

യുകെ സന്ദർശനം കാരണമാണ് ചർച്ച അടുത്ത ആഴ്ചയിലേക്ക് മാറ്റിവച്ചിരിക്കുന്നത്. ഇന്ത്യയും പാക്കിസ്ഥാനും തമ്മിലുള്ള വെടിനിർത്തൽ സംബന്ധിച്ചും, യുഎസ് പ്രസിഡന്റ് ഡോണൾഡ് ട്രംപിന്റെ അവകാശവാദത്തെ കുറിച്ചും രാജ്യസഭയിൽ പ്രധാനമന്ത്രി സംസാരിച്ചേക്കുമെന്നാണ് സൂചന.

ഓപ്പറേഷൻ സിന്ദൂറിനെ രാജ്യത്തിന്റെ ‘വിജയോത്സവം’ എന്നായിരുന്നു മോദി ഇന്ന് വിശേഷിപ്പിച്ചത്.

…