ഖത്തറിലെ പ്രധാന വ്യവസായ നഗരമായ റാസ് ലഫാനിലെ ഫാക്ടറിയിൽ ഞായറാഴ്ച ഉഗ്ര സ്ഫോടനം ഉണ്ടായതായി ഖത്തർ ആഭ്യന്തര മന്ത്രാലയം ഔദ്യോഗികമായി സ്ഥിരീകരിച്ചു. ദോഹയ്ക്ക് വടക്കായി സ്ഥിതി ചെയ്യുന്ന ഈ പ്രദേശം രാജ്യത്തെ സുപ്രധാന എൽ.എൻ.ജി (LNG) സംസ്കരണ കേന്ദ്രമാണ്.
അപകടത്തെക്കുറിച്ച് മന്ത്രാലയം പുറത്തിറക്കിയ പ്രാഥമിക റിപ്പോർട്ടിൽ, ഇതൊരു ആക്രമണമല്ലെന്നും സാങ്കേതിക തകരാറാണ് സ്ഫോടനത്തിന് കാരണമായതെന്നും വ്യക്തമാക്കിയിട്ടുണ്ട്. സംഭവത്തിൽ നിരവധി പേർക്ക് പരിക്കേറ്റതായാണ് റിപ്പോർട്ടുകൾ സൂചിപ്പിക്കുന്നത്.
സ്ഫോടനത്തിന്റെ ആഘാതം ദോഹ നഗരത്തിൽ വരെ അനുഭവപ്പെട്ടതായും വലിയ രീതിയിലുള്ള ശബ്ദം കേട്ടതായും സ്ഥിരീകരിച്ചിട്ടുണ്ട്. അതേസമയം, നിലവിലെ സാഹചര്യത്തിൽ സുരക്ഷയ്ക്ക് ഭീഷണിയാകുന്ന തരത്തിൽ വാതക ചോർച്ചയൊന്നും റിപ്പോർട്ട് ചെയ്തിട്ടില്ലെന്ന് അധികൃതർ അറിയിച്ചു.
സ്ഥിതിഗതികൾ നിയന്ത്രണവിധേയമാണെന്നും സുരക്ഷാ ക്രമീകരണങ്ങൾ ശക്തമാക്കിയതായും മന്ത്രാലയ വൃത്തങ്ങൾ അറിയിക്കുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
