ആൻഡ്രോയിഡ് ഓട്ടോയിലേക്ക് വ്യക്തിഗത നിർമ്മിത ബുദ്ധി ഫീച്ചറുമായി ഗൂഗിൾ ജെമിനി എത്തുന്നു

ആൻഡ്രോയിഡ് ഓട്ടോ (Android Auto) പ്ലാറ്റ്‌ഫോമിലേക്ക് ആർട്ടിഫിഷ്യൽ ഇന്റലിജൻസ് സാങ്കേതികവിദ്യയുടെ പുതിയൊരു തലമായ പേഴ്സണൽ ഇന്റലിജൻസ് ഫീച്ചർ ലഭ്യമാക്കിതുടങ്ങി. വാഹനമോടിക്കുമ്പോൾ ഡ്രൈവർമാർക്ക് ഏറെ സഹായകരമാകുന്ന രീതിയിലാണ് ഈ നവീന സംവിധാനം രൂപകൽപ്പന ചെയ്തിരിക്കുന്നത്.

ഗൂഗിൾ (Google) ഉൽപ്പന്നങ്ങളിലെ വിവരങ്ങൾ പരമാവധി ഉപയോഗപ്പെടുത്തിക്കൊണ്ട് കൃത്യമായ വിവരങ്ങളും അനുഭവങ്ങളും നൽകാൻ ഈ ഫീച്ചറിന് സാധിക്കും. ജിമെയിൽ, കലണ്ടർ, യൂട്യൂബ്, സെർച്ച് തുടങ്ങിയ വിവിധ സേവനങ്ങളെ പരസ്പരം ബന്ധിപ്പിച്ചുകൊണ്ട് ഉപയോക്താക്കളുടെ സംശയങ്ങൾക്ക് മികച്ച മറുപടി നൽകാൻ ഇതിലൂടെ സാധിക്കുമെന്ന് കമ്പനി വ്യക്തമാക്കുന്നു.

ഈ പുതിയ സംവിധാനത്തിന്റെ പ്രധാന സവിശേഷതകളെക്കുറിച്ച് കമ്പനി വിശദീകരിക്കുന്നത് ഇങ്ങനെയാണ്: “Personal Intelligence has two core strengths: retrieving specific details from, say, an email, photo or a place you saved in Google Maps to answer your question and reasoning across complex sources. That’s especially helpful when your hands are on the wheel.” പ്രത്യേകം നിർദ്ദേശങ്ങൾ നൽകേണ്ടതില്ല എന്നതും ഈ സേവനത്തിന്റെ പ്രത്യേകതയാണ്.

സ്വാഭാവികമായ ശബ്ദത്തിലൂടെ ജെമിനിയുമായി സംവദിക്കാൻ സാധിക്കും. തുടർച്ചയായി ചോദ്യങ്ങൾ ചോദിച്ചുകൊണ്ട് ആവശ്യമായ വിവരങ്ങൾ കണ്ടെത്താൻ ഉപയോക്താക്കൾക്ക് സാധിക്കും.

വ്യക്തിഗത വിവരങ്ങൾ ആക്‌സസ് ചെയ്യുന്നതിൽ ഉപയോക്താക്കൾക്ക് പൂർണ്ണ നിയന്ത്രണമുണ്ടായിരിക്കും. ആവശ്യമില്ലെങ്കിൽ ഏതുസമയത്തും ഈ അനുമതി തടയാവുന്നതാണെന്നും കമ്പനി വ്യക്തമാക്കിയിട്ടുണ്ട്.

വാഹനയാത്രകളിൽ കൂടുതൽ ഉൽപ്പാദനക്ഷമത ഉറപ്പാക്കാൻ സഹായിക്കുന്ന ഒരു മികച്ച സംവിധാനമായാണ് ഇത് വിലയിരുത്തപ്പെടുന്നത്.