ചെന്നൈ: മുൻ ഇന്ത്യൻ പേസ് ഇതിഹാസം സഹീർ ഖാനെ ചെന്നൈ സൂപ്പർ കിംഗ്സിന്റെ പുതിയ പരിശീലകനായി നിയമിച്ചതിന് പിന്നാലെ മുൻ നായകൻ എം.എസ് ധോണിയുടെ റോളുമായി ബന്ധപ്പെട്ട അനിശ്ചിതത്വങ്ങൾക്ക് വിരാമമായി.
വരും സീസണിൽ ധോണി ഒരു കളിക്കാരനായി തന്നെ ടീമിലുണ്ടാകുമെന്ന് സിഎസ്കെ മാനേജ്മെന്റ് സ്ഥിരീകരിച്ചു. നീണ്ട
18 വർഷത്തെ ബന്ധം അവസാനിപ്പിച്ച് പരിശീലക സ്ഥാനത്ത് നിന്ന് സ്റ്റീഫൻ ഫ്ലെമിംഗ് പടിയിറങ്ങിയപ്പോൾ പകരം ധോണി ചെന്നൈ ടീമിന്റെ മുഖ്യ പരിശീലകനായോ മെന്ററായോ ചുമതലയേൽക്കുമെന്ന് അഭ്യൂഹങ്ങളുണ്ടായിരുന്നു. എന്നാൽ ധോണി ഒരു കളിക്കാരനായി തന്നെ ലഭ്യമാണെന്നും മറ്റ് റോളുകളൊന്നും നിലവിലില്ലെന്നും സിഎസ്കെ മാനേജിംഗ് ഡയറക്ടർ കാശി വിശ്വനാഥൻ വ്യക്തമാക്കി.
സഹീറിന്റെ വരവിനു പിന്നിലും ‘തല’യുടെ പങ്ക് നിർണായകമായിരുന്നു. ഫ്ലെമിംഗിന് പകരക്കാരനെ കണ്ടെത്താനുള്ള ചുമതല ധോണിക്കായിരുന്നുവെന്നും സഹീർ ഖാന്റെ പേര് നിർദ്ദേശിച്ചത് ധോണിയാണെന്നും മാനേജ്മെന്റ് വ്യക്തമാക്കി.
ധോണിയും ക്യാപ്റ്റൻ റുതുരാജ് ഗെയ്ക്വാദും ഉടമ രൂപ ഗുരുനാഥും ചേർന്നാണ് ഈ തീരുമാനം അന്തിമമാക്കിയത്. പരിക്കുകൾ മൂലം കഴിഞ്ഞ സീസണിലെ മത്സരങ്ങളിൽ ഭൂരിഭാഗവും നഷ്ടമായ 45-കാരനായ ധോണിയുടെ പ്രകടനം വരും സീസണിൽ എങ്ങനെയായിരിക്കുമെന്നത് ആരാധകർ ഉറ്റുനോക്കുന്ന ഒന്നാണ്.
സഹീർ ഖാന്റെ തന്ത്രങ്ങളും ധോണിയുടെ സാന്നിധ്യവും ചേരുമ്പോൾ തിരിച്ചടികളിൽ നിന്ന് കരകയറി പഴയ പ്രതാപത്തിലേക്ക് തിരികെയെത്താമെന്ന പ്രതീക്ഷയിലാണ് ചെന്നൈ സൂപ്പർ കിംഗ്സ് ആരാധകർ.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
