മലപ്പുറം ജില്ലയിലെ പൂക്കോട്ടുംപാടം ചോക്കാട് കോട്ടപ്പുഴയിലുണ്ടായ മലവെള്ളപ്പാച്ചിലിൽ ഒഴുക്കിൽപ്പെട്ട് മരിച്ചവരുടെ എണ്ണം രണ്ടായി ഉയർന്നു. ഇതുവരെ കണ്ടെടുത്ത മൃതദേഹങ്ങളെക്കുറിച്ചുള്ള തിരിച്ചറിയൽ നടപടികൾ പൂർത്തിയായിട്ടില്ല.
അപകടത്തിൽ കാണാതായ മറ്റ് ആറുപേർക്കായുള്ള തെരച്ചിൽ തുടരുകയാണെങ്കിലും ആരെയും ഇതുവരെ കണ്ടെത്താനായില്ല. പ്രാദേശികവാസിയായ ഒരു സ്ത്രീയും പുറത്തുനിന്ന് എത്തിയ അഞ്ച് പേരുമാണ് അപകടത്തിൽപ്പെട്ടത് എന്ന് അധികൃതർ വ്യക്തമാക്കി.
സംഭവസ്ഥലം സന്ദർശിച്ച മന്ത്രി എ.പി. അനിൽകുമാർ സ്ഥിതിഗതികൾ വിലയിരുത്തി.
രാത്രികാലങ്ങളിൽ പുഴയിൽ തെരച്ചിൽ നടത്തുന്നത് അതീവ ദുഷ്കരമായ സാഹചര്യത്തിലാണ് ഇന്നത്തെ തെരച്ചിൽ അവസാനിപ്പിച്ചത്. രക്ഷാപ്രവർത്തനം നാളെ രാവിലെ മുതൽ വീണ്ടും പുനരാരംഭിക്കും.
പുഴയുടെ ഇരുകരകളും കേന്ദ്രീകരിച്ചായിരിക്കും നാളത്തെ തെരച്ചിൽ വ്യാപിപ്പിക്കുകയെന്ന് അധികൃതർ അറിയിച്ചു.
