ന്യൂയോർക്ക് ആതിഥേയത്വം വഹിച്ച ലോകകപ്പ് ഫൈനൽ പോരാട്ടത്തിൽ അർജന്റീനയെ പരാജയപ്പെടുത്തി സ്പെയിൻ വീണ്ടും ലോകചാമ്പ്യന്മാരായി. അധികസമയത്തേക്ക് നീണ്ട
ആവേശകരമായ മത്സരത്തിൽ ഏകപക്ഷീയമായ ഒരു ഗോളിനാണ് സ്പെയിൻ തങ്ങളുടെ രണ്ടാം ലോകകിരീടം സ്വന്തമാക്കിയത്. മത്സരത്തിന്റെ ഭൂരിഭാഗം സമയവും പന്തിന്റെ നിയന്ത്രണം നിലനിർത്താൻ സ്പെയിനിന് സാധിച്ചു.
തുടക്കം മുതൽ തന്നെ ആക്രമണങ്ങൾ അഴിച്ചുവിട്ട സ്പെയിൻ അർജന്റീനൻ പ്രതിരോധത്തെ നിരന്തരം സമ്മർദ്ദത്തിലാക്കി.
മത്സരത്തിന്റെ നൂറ്റിയാറാം മിനിറ്റിൽ ഫെറാൻ ടോറസ് നേടിയ ഗോളാണ് സ്പെയിനിന് ചരിത്രവിജയം സമ്മാനിച്ചത്. അർജന്റീനയെ സംബന്ധിച്ചിടത്തോളം മത്സരം അത്രകണ്ട് അനുകൂലമായിരുന്നില്ല.
എൻസോ ഫെർണാണ്ടസിന് ചുവപ്പ് കാർഡ് ലഭിച്ചതോടെ ടീം പത്ത് പേരായി ചുരുങ്ങി. ഈ പ്രതിസന്ധിക്കിടയിലും അർജന്റീന പൊരുതി നോക്കിയെങ്കിലും സ്പെയിന്റെ ആക്രമണങ്ങളെ പ്രതിരോധിക്കുന്നതിൽ അവർ പരാജയപ്പെട്ടു.
കൂടാതെ, ടീമിന്റെ പ്രധാന പ്രതിരോധ താരമായ ലിസാൻഡ്രോ മാർട്ടിനെസിന് പരിക്കേറ്റ് പുറത്തുപോകേണ്ടി വന്നതും അർജന്റീനയ്ക്ക് കനത്ത തിരിച്ചടിയായി. ആദ്യ പകുതിയിൽ ഒരു ഷോട്ട് ഓൺ ടാർഗറ്റ് പോലും പായിക്കാൻ കഴിയാതിരുന്ന അർജന്റീനയ്ക്ക് രണ്ടാം പകുതിയിലും നിലവാരം ഉയർത്താനായില്ല.
2010-ൽ ഇനിയേസ്റ്റയുടെ ഗോളിലൂടെ നെതർലാൻഡ്സിനെ പരാജയപ്പെടുത്തി ആദ്യ ലോകകിരീടം ചൂടിയ സ്പെയിനിന്റെ ഫുട്ബോൾ ചരിത്രത്തിലെ ഏറ്റവും വലിയ നേട്ടങ്ങളിലൊന്നായി ഈ വിജയം മാറി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
