കൊച്ചി നെടുമ്പാശ്ശേരിയിലുണ്ടായ മിനി കൂപ്പർ കാറപകടത്തിൽ പ്രതി സുഹൈലിനെതിരെ കർശന നടപടികളുമായി മോട്ടോർ വാഹന വകുപ്പ് രംഗത്ത്. നിയമലംഘനങ്ങൾ ചൂണ്ടിക്കാട്ടി എം.വി.ഡി അധികൃതർ പ്രതിക്ക് കാരണം കാണിക്കൽ നോട്ടീസ് അയച്ചു.
ഡ്രൈവിംഗ് ലൈസൻസ് റദ്ദാക്കുന്നതുമായി ബന്ധപ്പെട്ട അന്തിമ നടപടികളിലേക്ക് കടക്കുന്നതിന് മുന്നോടിയായി സുഹൈൽറെ വിശദീകരണം കേൾക്കും.
പ്രാഥമിക പരിശോധനകളുടെ ഭാഗമായി വാഹനത്തിൽ നിയമവിരുദ്ധമായ മാറ്റങ്ങൾ വരുത്തിയതായി കണ്ടെത്തിയിട്ടുണ്ട്. പ്രത്യേകിച്ച്, മിനി കൂപ്പർ കാറിന്റെ സൈലൻസറിൽ നടത്തിയ അനധികൃത മോഡിഫിക്കേഷനുകൾ ഉദ്യോഗസ്ഥരുടെ ശ്രദ്ധയിൽപ്പെട്ടിട്ടുണ്ട്.
ഇതിന്റെ അടിസ്ഥാനത്തിൽ കാർ കൂടുതൽ വിശദമായ സാങ്കേതിക പരിശോധനയ്ക്ക് വിധേയമാക്കുമെന്ന് അധികൃതർ അറിയിച്ചു. അപകടത്തിന്റെ പശ്ചാത്തലത്തിൽ കൊച്ചി വിമാനത്താവള പാതയിലെ സി.സി.ടി.വി ദൃശ്യങ്ങൾ പൊലീസ് ഇതിനോടകം പൂർണ്ണമായി ശേഖരിച്ചിട്ടുണ്ട്.
ഈ ദൃശ്യങ്ങളിൽ കാർ അമിത വേഗതയിലായിരുന്നു എന്നത് വ്യക്തമാണെന്ന് അന്വേഷണ സംഘം വ്യക്തമാക്കി. വാഹനത്തിന്റെ കൃത്യമായ വേഗതയും മറ്റ് വിവരങ്ങളും ലഭ്യമാകുന്ന എ.ഡി.ആർ/ഇ.ഡി.ആർ (EDR) ഡാറ്റയ്ക്കായുള്ള കാത്തിരിപ്പിലാണ് മോട്ടോർ വാഹന വകുപ്പ് ഇപ്പോൾ.
അതേസമയം, അപകടത്തിന് തൊട്ടുപിന്നാലെ ശേഖരിച്ച പ്രതിയുടെ വൈദ്യപരിശോധനാ ഫലങ്ങൾ പുറത്തുവന്നു. സുഹൈൽന്റെ രക്തസാമ്പിളിൽ 161 മില്ലിഗ്രാമും മൂത്രസാമ്പിളിൽ 230 മില്ലിഗ്രാമും ഉയർന്ന അളവിൽ ആൽക്കഹോൾ അടങ്ങിയിട്ടുള്ളതായി കണ്ടെത്തി.
നിയമപരമായി അനുവദനീയമായ അളവ് വെറും 30 മില്ലിഗ്രാം മാത്രമായിരിക്കുമ്പോഴാണ് ഈ ഗുരുതരമായ നിയമലംഘനം കണ്ടെത്തിയിരിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
