പശ്ചിമ ബംഗാൾ മുഖ്യമന്ത്രി മമതാ ബാനർജിയുടെ സുരക്ഷാ വിഭാഗത്തിൽ ദീർഘകാലമായി സേവനമനുഷ്ഠിച്ചിരുന്ന ഉദ്യോഗസ്ഥനെ സ്ഥാനത്തുനിന്ന് നീക്കി. ഇരുപത് വർഷത്തിലേറെയായി മമതയ്ക്ക് ഒപ്പമുണ്ടായിരുന്ന ഉദ്യോഗസ്ഥനെ മാറ്റിയ നടപടി വലിയ രാഷ്ട്രീയ വിവാദങ്ങൾക്ക് വഴിവെച്ചിരിക്കുകയാണ്.
ഭരണകൂടം നിയമിച്ച പുതിയ ഉദ്യോഗസ്ഥനെ സ്വീകരിക്കാൻ മമതാ ബാനർജി തയ്യാറായിട്ടില്ലെന്നാണ് റിപ്പോർട്ടുകൾ സൂചിപ്പിക്കുന്നത്. ഈ നടപടിയെ കടുത്ത ഭാഷയിലാണ് തൃണമൂൽ കോൺഗ്രസ് വിമർശിച്ചത്.
വിഷയത്തിൽ പ്രതികരിക്കവെ തൃണമൂൽ എംപി കല്യാൺ ബാനർജി നടത്തിയ പരാമർശം ശ്രദ്ധേയമാണ്: ‘‘മമതാ ബാനർജിയുടെ കൂടെ 20 വർഷം ഒപ്പമുണ്ടായിരുന്ന സുരക്ഷാ ഉദ്യോഗസ്ഥനെ മാറ്റിയെന്നത് നിർഭാഗ്യകരമാണ്. പുതിയ ആളെ നിയമിച്ചെങ്കിലും മമത അത് അംഗീകരിച്ചിട്ടില്ല.
ബിജെപി സർക്കാരിന്റെ ഏകാധിപത്യപരമായ നടപടിയാണിത്. സുരക്ഷാ ഉദ്യോഗസ്ഥനിൽ വിശ്വാസമില്ലെങ്കിൽ അത് എനിക്ക് പറയാൻ കഴിയണം.
മുഖ്യമന്ത്രി സുവേന്ദു അധികാരി പ്രതികാരബുദ്ധിയോടെ കാര്യങ്ങൾ ചെയ്യുന്നു. അതുകൊണ്ടാണ് ഇതെല്ലാം സംഭവിക്കുന്നത്’’ വ്യാഴാഴ്ച രാത്രി മമതാ ബാനർജിയുടെ വസതിക്ക് മുന്നിൽ സുരക്ഷാ ഉദ്യോഗസ്ഥർ ആരും തന്നെയില്ലെന്ന് ചൂണ്ടിക്കാട്ടി തൃണമൂൽ എംപി ഡെറക് ഒബ്രയൻ ഒരു വീഡിയോ സാമൂഹിക മാധ്യമങ്ങളിൽ പങ്കുവെച്ചിരുന്നു.
ഭരണപരമായ നടപടിയെന്നതിലുപരി, മുഖ്യമന്ത്രിയെ ഒറ്റപ്പെടുത്താനും അപകടത്തിലാക്കാനും ലക്ഷ്യമിട്ടുള്ള ആസൂത്രിതമായ നീക്കമാണിതെന്ന് തൃണമൂൽ കോൺഗ്രസ് ഔദ്യോഗിക പ്ലാറ്റ്ഫോമുകളിൽ ആരോപിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
