തിരുവനന്തപുരം നഗരത്തിലെ സ്വകാര്യ ഹോട്ടലിൽ വെച്ച് ശശി തരൂർ എംപി ലിഫ്റ്റിൽ കുടുങ്ങി. ഹോട്ടലിൽ സംഘടിപ്പിച്ചിരുന്ന ഒരു സ്വകാര്യ ചടങ്ങിൽ പങ്കെടുക്കാനായി എത്തിയതായിരുന്നു അദ്ദേഹം.
ലിഫ്റ്റിന്റെ പ്രവർത്തനം പെട്ടെന്ന് നിലച്ചതാണ് സംഭവത്തിന് കാരണമായത്. അമിതഭാരം (ഓവർ ലോഡ്) കാരണം ആറാം നിലയിൽ വെച്ച് ലിഫ്റ്റ് തടസ്സപ്പെടുകയായിരുന്നു.
ഏകദേശം അരമണിക്കൂറോളമാണ് അദ്ദേഹം ലിഫ്റ്റിനുള്ളിൽ കുടുങ്ങിക്കിടന്നത്. സാങ്കേതിക തകരാറിനെ തുടർന്ന് ലിഫ്റ്റ് പെട്ടെന്ന് നിശ്ചലമായത് ആശങ്കയ്ക്ക് ഇടയാക്കിയെങ്കിലും, വിവരമറിഞ്ഞ് ഉടൻ തന്നെ അഗ്നിരക്ഷാ സേന സ്ഥലത്തെത്തി രക്ഷാപ്രവർത്തനം നടത്തുകയായിരുന്നു.
സംഭവസ്ഥലത്തെത്തി വേഗത്തിൽ ഇടപെടൽ നടത്തി തന്നെ പുറത്തെത്തിച്ച അഗ്നിരക്ഷാ സേനാ ഉദ്യോഗസ്ഥർക്ക് ശശി തരൂർ എംപി നന്ദി രേഖപ്പെടുത്തി. “പെട്ടെന്ന് എന്ത് ചെയ്യണമെന്ന് അറിയില്ലായിരുന്നു” എന്ന് അദ്ദേഹം പ്രതികരിച്ചു.
രക്ഷാപ്രവർത്തനത്തിന് നേതൃത്വം നൽകിയ അഗ്നിരക്ഷാ സേനാംഗങ്ങളെ അദ്ദേഹം അഭിനന്ദിക്കുകയും ചെയ്തു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
