സാറ്റലൈറ്റ് ഇന്റർനെറ്റ് സേവന മേഖലയിലെ മത്സരങ്ങളെ പൂർണ്ണമായി സ്വാഗതം ചെയ്യുന്നതായി റിലയൻസ് ഇൻഡസ്ട്രീസ് വ്യക്തമാക്കി. ഇലോൺ മസ്‌കിന്റെ സ്റ്റാർലിങ്ക് ഉൾപ്പെടെയുള്ള കമ്പനികളുമായുള്ള മത്സരത്തെ തങ്ങൾ ഒട്ടും ഭയപ്പെടുന്നില്ലെന്നും, ആഭ്യന്തര കമ്പനിയായാലും വിദേശ സംരംഭമായാലും രാജ്യത്തെ നിയമവ്യവസ്ഥയ്ക്കും നയങ്ങൾക്കും വിധേയമായി മാത്രമേ പ്രവർത്തിക്കാനാകൂ എന്നും കമ്പനി പ്രസ്താവനയിലൂടെ അറിയിച്ചു.
എക്സ് (X) പ്ലാറ്റ്‌ഫോമിലൂടെയാണ് ഔദ്യോഗിക പ്രതികരണം പുറത്തുവിട്ടിരിക്കുന്നത്. ഇന്ത്യയിൽ സ്റ്റാർലിങ്കിന് പ്രവർത്തനാനുമതി ലഭിക്കുന്നത് ചില കുത്തക കമ്പനികൾ തടസ്സപ്പെടുത്തുന്നുവെന്ന തരത്തിൽ കഴിഞ്ഞ ദിവസം ഇലോൺ മസ്‌ക് ഉന്നയിച്ച ആരോപണങ്ങൾ വലിയ ചർച്ചകൾക്ക് വഴിവെച്ചിരുന്നു.
“അംബാനിയാണോ ഇന്ത്യയിലെ യഥാർത്ഥ ബോസ്?” എന്ന മട്ടിലുള്ള ചോദ്യങ്ങളുയർന്ന പശ്ചാത്തലത്തിലാണ് റിലയൻസ് വിഷയത്തിൽ വിശദീകരണവുമായി രംഗത്തെത്തിയത്. സ്റ്റാർലിങ്കിന് മാത്രമല്ളെന്നും, റിലയൻസിന്റെ സ്വന്തം സാറ്റലൈറ്റ് ഇന്റർനെറ്റ് സംരംഭമായ ജിയോയുടെ സേവനങ്ങൾക്കും കേന്ദ്ര സർക്കാരിന്റെ ഔദ്യോഗിക സുരക്ഷാ അനുമതികൾ ലഭിക്കുന്നതിനുള്ള കാത്തിരിപ്പിലാണെന്നും കമ്പനി വ്യക്തമാക്കി.
2016-ൽ ഒരു ഉപഭോക്താവ് പോലുമില്ലാതെയാണ് ജിയോ അതിതീവ്രമായ മത്സരമുള്ള ഇന്ത്യൻ ടെലികോം വിപണിയിലേക്ക് കടന്നുവന്നത്. ദശകത്തിനുള്ളിൽ 530 ദശലക്ഷത്തിലധികം ഉപഭോക്താക്കളുടെ വിശ്വാസമാർജ്ജിക്കാനും ലോകത്തിലെ ഏറ്റവും മികച്ച ഡിജിറ്റൽ അടിസ്ഥാന സൗകര്യങ്ങളും മിതമായ നിരക്കിലുള്ള ഡാറ്റയും ഇന്ത്യക്കാർക്ക് ലഭ്യമാക്കാനും കമ്പനിക്ക് സാധിച്ചിട്ടുണ്ട്.
ഒക്ടോബർ 16, 2026-ൽ പുറത്തിറക്കിയ പ്രസ്താവനയിലാണ് ഈ നിലപാടുകൾ വ്യക്തമാക്കിയത്. ഉപഭോക്താക്കൾക്ക് മികച്ച സേവനം നൽകുന്നതിനുള്ള ഏറ്റവും വലിയ ഉപാധിയായാണ് തങ്ങൾ മത്സരത്തെ കാണുന്നതെന്നും റിലയൻസ് കൂട്ടിച്ചേർത്തു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
