ദക്ഷിണ കൊറിയയിൽ നായ മാംസം ഉപയോഗിക്കുന്നത് പൂർണ്ണമായി നിരോധിക്കാനുള്ള ഔദ്യോഗിക തീരുമാനം പ്രഖ്യാപിച്ചു. 2027 ഫെബ്രുവരിയിൽ പുതിയ നിയമം രാജ്യത്ത് പൂർണ്ണതോതിൽ പ്രാബല്യത്തിൽ വരും.
ജനങ്ങളിൽ ഭൂരിഭാഗവും ഈ തീരുമാനത്തെ അനുകൂലിച്ചതായി കണക്കുകൾ വ്യക്തമാക്കുന്നു. ഏകദേശം 80 ശതമാനം പേരാണ് നിരോധനത്തെ പിന്തുണച്ചത്.
ഭക്ഷണാവശ്യങ്ങൾക്കായി നായ്ക്കളെ പ്രജനനം ചെയ്യുക, കശാപ്പ് ചെയ്യുക, വിതരണം നടത്തുക, വിൽപന നടത്തുക തുടങ്ങിയ കാര്യങ്ങളെല്ലാം പുതിയ നിരോധനത്തിന്റെ പരിധിയിൽ ഉൾപ്പെടുത്തിയിട്ടുണ്ട്. ഈ നിയമം നടപ്പിലാക്കുന്നതിന്റെ ഭാഗമായി മൂന്ന് വർഷത്തെ പരിവർത്തന കാലയളവാണ് വ്യവസ്ഥ ചെയ്തിരിക്കുന്നത്.
ഇതുമായി ബന്ധപ്പെട്ട നിയമം ദക്ഷിണ കൊറിയൻ പാർലമെന്റ് 2024 ജനുവരിയിലാണ് പാസാക്കിയത്.
ഈ നിരോധനം രാജ്യത്തെ 5,600-ലധികം ബിസിനസുകളെ നേരിട്ട് ബാധിക്കുമെന്നാണ് ഔദ്യോഗിക കണക്കുകൾ സൂചിപ്പിക്കുന്നത്. ഇതിന്റെ പശ്ചാത്തലത്തിൽ ഭൂരിഭാഗം ഫാമുകളും ഇതിനോടകം തന്നെ പ്രവർത്തനം അവസാനിപ്പിച്ച് അടച്ചുപൂടിക്കഴിഞ്ഞു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
