സംസ്ഥാന സര്ക്കാരിന്റെ ധവളപത്രത്തിന് മറുപടിയായി എല്ഡിഎഫ് ഇന്ന് സ്വന്തം നിലയില് ധവളപത്രം പുറത്തിറക്കുന്നു. യുഡിഎഫ് സര്ക്കാര് പുറത്തിറക്കിയ രാഷ്ട്രീയപ്രഖ്യാപന രേഖയിലെ അപാകതകളും വസ്തുതാവിരുദ്ധമായ കാര്യങ്ങളും ജനസമക്ഷം തുറന്നുകാട്ടാനാണ് എകെജി പഠന ഗവേഷണ കേന്ദ്രം ഇത്തരമൊരു ബദല് രേഖ തയ്യാറാക്കിയിരിക്കുന്നത്.
ഇന്ന് വൈകിട്ട് നാല് മണിക്ക് എകെജി മിനിഹാളില് വെച്ച് നടക്കുന്ന ചടങ്ങില് പ്രതിപക്ഷ നേതാവ് പിണറായി വിജയന് ധവളപത്രത്തിന്റെ പ്രകാശനകര്മം നിര്വഹിക്കും. ചടങ്ങില് സിപിഐഎം സംസ്ഥാന സെക്രട്ടറി എം വി ഗോവിന്ദന്, കെ എന് ബാലഗോപാല് എംഎല്എ തുടങ്ങിയ പ്രമുഖ നേതാക്കള് സംബന്ധിക്കും.
സംസ്ഥാനം കടുത്ത കടക്കെണിയിലാണെന്ന യുഡിഎഫ് സര്ക്കാരിന്റെ പ്രചാരണം തെറ്റാണെന്ന് സ്ഥാപിക്കുന്നതിനുള്ള വിവരങ്ങളും കണക്കുകളും ഈ ബദല് രേഖയില് ഉള്പ്പെടുത്തിയിട്ടുണ്ട്. എല്ഡിഎഫ് ഭരണത്തിന് കീഴില് കഴിഞ്ഞ കാലയളവില് നടപ്പിലാക്കിയ വികസന പ്രവര്ത്തനങ്ങളും സാമ്പത്തിക നിലയിലെ പുരോഗതിയും രേഖയില് വിശദീകരിക്കുന്നുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
