കൊച്ചി: വൈദ്യുതി ബോർഡിലെ ഓഫീസർമാരുടെ സംഘടനകളുടെ അംഗീകാരത്തിനായി ഹിത പരിശോധന നടത്തണമെന്നാവശ്യപ്പെട്ട് ഹൈക്കോടതിയിൽ ഹർജി. കേരള പവർ ബോർഡ് ഓഫീസേഴ്സ് ഫെഡറേഷൻ പ്രസിഡന്റ് പിആർ പോളാണ് ഹർജി നൽകിയത്.
ഹർജി പരിഗണിച്ച ജസ്റ്റിസ് വിജു എബ്രഹാം, കെഎസ്ഇബിയോട് വിശദീകരണം തേടി. ബോർഡ് അംഗീകരിച്ച 1960ലെ കേരള സർക്കാർ ജീവനക്കാരുടെ പെരുമാറ്റച്ചട്ട
പ്രകാരം ആവശ്യമായ അംഗബലം ഇല്ലാതെയാണ് ഫെഡറേഷനിലെ ഒരു വിഭാഗത്തിന് അംഗീകാരം നൽകിയതെന്ന് ഹർജിയിൽ ആരോപിക്കുന്നു. സംഘടനയ്ക്ക് അംഗീകാരം ലഭിക്കാൻ ആകെ ജീവനക്കാരുടെ 25 ശതമാനമോ അല്ലെങ്കിൽ 50 പേരോ (ഏതാണോ കൂടുതൽ) അംഗങ്ങളായി ഉണ്ടായിരിക്കണമെന്നാണ് ചട്ടം.
സംഘടനകളുടെ അംഗബലം പരിശോധിക്കണമെന്നാവശ്യപ്പെട്ട് ഹർജിക്കാരനും മറ്റും ബോർഡിന് നിവേദനം നൽകിയിരുന്നു. എന്നാൽ, ഇതിനായി നിലവിൽ സംവിധാനം ഇല്ലെന്ന് ബോർഡ് അറിയിച്ചതിനെ തുടർന്നാണ് ഹൈക്കോടതിയെ സമീപിച്ചതെന്ന് ഹർജിയിൽ പറയുന്നു.
ജീവനക്കാരുടെ സംഘടനകളുടെ അംഗബലം പരിശോധിക്കുന്നതിനുള്ള സംവിധാനം നിലവിലില്ലെന്നും ബോർഡ് സമ്മതിച്ചിട്ടുണ്ട്. ഹർജി ജൂലൈ 7ന് വീണ്ടും പരിഗണിക്കും.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
