കൊയിലാണ്ടി ഗവ. താലൂക്ക് ആശുപത്രിയുടെ പുതിയ കെട്ടിട
നിര്മാണം ഒരു വര്ഷത്തിനുള്ളില് പൂര്ത്തീകരിക്കുമെന്ന് ആരോഗ്യ വകുപ്പ് മന്ത്രി കെ.മുരളീധരന് അറിയിച്ചു. നിര്മാണ പ്രവൃത്തികള് പൂര്ത്തിയാകുന്ന മുറയ്ക്ക് ആശുപത്രിയെ ജില്ലാ ആശുപത്രിയായി ഉയര്ത്തുമെന്നും അദ്ദേഹം വ്യക്തമാക്കി.
ആശുപത്രി സന്ദര്ശനത്തിനുശേഷം ജനപ്രതിനിധികളുമായും വികസന സമിതി അംഗങ്ങളുമായും നടത്തിയ അവലോകന യോഗത്തില് സംസാരിക്കുകയായിരുന്നു മന്ത്രി. ആശുപത്രി വികസനത്തിന്റെ ഭാഗമായി മോര്ച്ചറി ഉള്പ്പെടെയുള്ള സൗകര്യങ്ങള് സജ്ജീകരിക്കുന്നതിനായി സമീപത്തുള്ള 10 സെന്റ് റവന്യൂ ഭൂമി വിട്ടുനല്കാന് ജില്ലാ കലക്ടറോട് നിര്ദേശിച്ചിട്ടുണ്ട്.
കൂടാതെ, ആശുപത്രിയില് രക്തബാങ്ക് ഉടന് പ്രവര്ത്തനസജ്ജമാക്കുമെന്ന് മന്ത്രി ഉറപ്പുനല്കി. തസ്തികകളിലെ നിയമനം
അത്യാഹിത വിഭാഗത്തിലെ ഒഴിവുള്ള നാല് മെഡിക്കല് ഓഫീസര് തസ്തികകള് അടിയന്തരമായി നികത്തും.
ഇതിനുപുറമെ, അസിസ്റ്റന്റ് സര്ജന്, റേഡിയോളജിസ്റ്റ്, അനസ്തറ്റിസ്റ്റ്, ജൂനിയര് കണ്സള്ട്ടന്റ് (സര്ജറി) എന്നീ തസ്തികകളിലേക്കും നിയമനം നടത്തും. സര്ക്കാര് ആശുപത്രികളിലെ അടിസ്ഥാന സൗകര്യങ്ങളുടെ അപര്യാപ്തത പരിഹരിക്കുമെന്നും, രോഗികളെ തറയില് കിടത്തുന്ന സാഹചര്യം കര്ശനമായി ഒഴിവാക്കുമെന്നും അദ്ദേഹം കൂട്ടിച്ചേര്ത്തു.
പൊതുമേഖലാ സ്ഥാപനങ്ങളുടെ സി.എസ്.ആര് ഫണ്ട് പ്രയോജനപ്പെടുത്തി ആശുപത്രികളുടെ ഭൗതിക സാഹചര്യങ്ങള് മെച്ചപ്പെടുത്താനാണ് സര്ക്കാര് ലക്ഷ്യമിടുന്നത്. ചടങ്ങില് പങ്കെടുത്തവര്
കെ.പ്രവീണ് കുമാര് എം.എല്.എ അധ്യക്ഷത വഹിച്ച യോഗത്തില് ഷാഫി പറമ്പില് എം.പി വിശിഷ്ടാതിഥിയായി പങ്കെടുത്തു.
കൊയിലാണ്ടി നഗരസഭ ചെയര്പേഴ്സണ് യു.കെ ചന്ദ്രന്, പയ്യോളി നഗരസഭ ചെയര്പേഴ്സണ് എന്.സാഹിറ, കൊയിലാണ്ടി നഗരസഭ വൈസ് ചെയര്പേഴ്സണ് സി.ടി ബിന്ദു, ആരോഗ്യ സ്ഥിരം സമിതി അധ്യക്ഷന് എ.പി സുധീഷ്, കൗണ്സിലര് വി.എം ജസ്ലു, അഡീഷണല് ഡി.എം.ഒ വി.പി രാജേഷ്, നാഷണല് ഹെല്ത്ത് മിഷന് ജില്ലാ പ്രോഗ്രാം മാനേജര് ഡോ. പി.കെ അഫ്സല്, ആശുപത്രി സൂപ്രണ്ട് വി.എം സുനിത തുടങ്ങിയവര് യോഗത്തില് സന്നിഹിതരായിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
