ഡോ. ജോസഫ് മാർ ബർന്നബാസ് സഫ്രഗൻ മെത്രാപ്പൊലീത്തയുടെ പൗരോഹിത്യ സുവർണ ജൂബിലി സമാപന സമ്മേളനം ജൂൺ 14ന്

മാർത്തോമ്മ സഭയുടെ റാന്നി- നിലയ്ക്കൽ ഭദ്രാസനധിപനായ ഡോ. ജോസഫ് മാർ ബർന്നബാസ് സഫ്രഗൻ മെത്രാപ്പൊലീത്തയുടെ പൗരോഹിത്യ സുവർണ ജൂബിലി ആഘോഷങ്ങളുടെ സമാപന സമ്മേളനം ജൂൺ 14ന് ഉച്ചയ്ക്ക് 3 മണിക്ക് റാന്നി പഴവങ്ങാടിക്കര ഇമ്മാനുവേൽ മാർത്തോമ്മ പള്ളിയിൽ വെച്ച് നടക്കും.

സമ്മേളന വിശദാംശങ്ങൾ
ഡോ. യൂയാക്കിം മാർ കൂറിലോസ് സഫ്രഗൻ മെത്രാപ്പൊലീത്ത അധ്യക്ഷത വഹിക്കുന്ന സമ്മേളനം സംസ്ഥാന അഭ്യന്തര വകുപ്പുമന്ത്രി രമേശ് ചെന്നിത്തല ഉദ്ഘാടനം ചെയ്യും.

നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ ചടങ്ങിൽ മുഖ്യാതിഥിയായി പങ്കെടുക്കും. എം.പി.

അബ്‌ദുൾ സമദ് സമദാനി എംപി മുഖ്യസന്ദേശം നൽകും. തോമസ് മാർ തിമോത്തിയോസ്, ഡോ ഐസക്ക് മാർ ഫീലക്സിനോസ്, ഡോ.ജോഷ്വാ മാർ നിക്കോദിമോസ്, കുര്യാക്കോസ് മാർ ഇവാനിയോസ്, ആന്റോ ആന്റണി എംപി, എംഎൽഎമാരായ ജെനീഷ് കുമാർ, പഴകുളം മധു, വർഗ്ഗീസ് മാമ്മൻ, അബിൻ വർക്കി കോടിയാട്ട്, സഭാ സെക്രട്ടറി റവ.

എബി.ടി.മാമ്മൻ, മുൻ എംഎൽഎ പ്രമോദ് നാരായണൻ, സഭാ അത്മായ ട്രസ്റ്റി അൻസിൽ സഖറിയ, വൈദീക ട്രസ്റ്റി റവ. ഡേവിഡ് ദാനിയേൽ തുടങ്ങിയവർ പങ്കെടുക്കും.

സേവന പഥത്തിലൂടെ
1976 മേയ് 29 നാണ് മാർ ബർന്നബാസ് വൈദിക പട്ടം സ്വീകരിച്ചത്. 1993ൽ മേൽപട്ട

സ്ഥാനത്തേക്ക് തിരഞ്ഞെടുക്കപ്പെട്ടു. 2025 ജനുവരി ഒന്നിനാണ് റാന്നി- നിലയ്ക്കൽ ഭദ്രാസനത്തിന്റെ അധ്യക്ഷനായി അദ്ദേഹം ചുമതലയേൽക്കുന്നത്.

1949 സെപ്റ്റംബർ 8ന് കോട്ടയം പുതുപ്പളളിയിൽ ജനിച്ച ഇദ്ദേഹം, കൽക്കട്ട ബിഷപ്സ് കോളജിലാണ് ദൈവശാസ്ത്ര പഠനം പൂർത്തിയാക്കിയത്.

ആദിവാസി മേഖലകളിലും ഭവനരഹിതർക്ക് വേണ്ടിയും അദ്ദേഹം നടപ്പിലാക്കിയ ‘കനവ് പാർപ്പിട പദ്ധതി’ ഉൾപ്പെടെയുള്ള ജീവകാരുണ്യ പ്രവർത്തനങ്ങൾ ഏറെ ശ്രദ്ധേയമാണ്.

ഇതിനോടകം പദ്ധതിയിലൂടെ 25 ഭവനങ്ങൾ പൂർത്തീകരിച്ചുകഴിഞ്ഞു. സുവർണ ജൂബിലിയുടെ ഭാഗമായി സംഘടിപ്പിച്ച ‘സ്‌നേഹാഗമം’ മതാതീത സൗഹൃദ സദസ്സുകൾ മതസൗഹാർദ്ദത്തിന്റെ വലിയൊരു മാതൃകയായിരുന്നു.

കോഴിക്കോട്, കോട്ടയം, തിരുവനന്തപുരം എന്നിവിടങ്ങളിൽ നടന്ന ഈ സംഗമങ്ങളുടെ തുടർച്ചയായാണ് ഈരാറ്റുപേട്ടയിൽ ‘പീസ് മേക്കേഴ്സ്’ സൗഹൃദ സദസ്സ് രൂപീകൃതമായത്. സംഘാടക സമിതി
ഭദ്രാസന സെക്രട്ടറി റവ.

തോമസ് കോശി പനച്ചമൂട്ടിൽ, ട്രഷറർ അനു ഫിലിപ്പ് എന്നിവർ ക്രമീകരണങ്ങൾക്ക് നേതൃത്വം നൽകി. ജൂബിലി ആഘോഷങ്ങൾക്കായി റവ.

സജു ചാക്കോ (ചെയർമാൻ), അലക്സാണ്ടർ വർഗീസ് (ജനറൽ കൺവീനർ), റവ. ജേക്കബ് ജോർജ്ജ്.സി, റവ.

ഡോ. അരുൺ തോമസ്, റവ.

ജോർജ്ജ് കോശി (കോർഡിനേറ്റേഴ്സ്) എന്നിവരടങ്ങുന്ന വിപുലമായ സംഘാടക സമിതി പ്രവർത്തിക്കുന്നതായി പബ്ലിസിറ്റി ചെയർമാൻ റവ. ഏബ്രഹാം വർഗീസ്, കൺവീനർ ഫ്രെഡി ഉമ്മൻ എന്നിവർ അറിയിച്ചു.