ഇന്ത്യൻ സൂപ്പർ ലീഗിൽ (ഐഎസ്‌എൽ) തങ്ങളുടെ പുതിയ കാമ്പെയ്‌ന് തുടക്കം കുറിച്ച് കേരള ബ്ലാസ്റ്റേഴ്സ് ഇന്നിറങ്ങുന്നു. പൂനെയിൽ വെച്ച് വൈകിട്ട് അഞ്ചിന് നടക്കുന്ന ഉദ്ഘാടന മത്സരത്തിൽ ഇന്റർകാശിയാണ് ബ്ലാസ്റ്റേഴ്സിന്റെ എതിരാളികൾ.
നീണ്ട വർഷത്തെ കാത്തിരിപ്പുകൾക്കും മുൻകാല തിരിച്ചടികൾക്കും വിരാമമിടുകയെന്ന ലക്ഷ്യത്തോടെയാണ് മഞ്ഞപ്പട
കളത്തിലിറങ്ങുന്നത്. കഴിഞ്ഞകാലങ്ങളിലെ നിരാശകൾ മറികടന്ന് കിരീടം സ്വന്തമാക്കുക മാത്രമാണ് ടീമിന്റെ ലക്ഷ്യം.
പുതിയ ഉടമകളുടെ കടന്നുവരവോടെ വലിയ മാറ്റങ്ങളാണ് ക്ലബ്ബിൽ ഉണ്ടായിട്ടുള്ളത്. മികച്ച താരങ്ങളുടെ നിരയും ഒപ്പം നിന്ന ആരാധകരുടെ പിന്തുണയും ടീമിന് വലിയൊരു പോസിറ്റീവ് ഊർജ്ജം നൽകുന്നുണ്ട്.
കളിക്കളത്തിൽ വിജയങ്ങൾ കൂടി സമ്മാനിച്ച് ആരാധകരുടെ പ്രതീക്ഷകൾ കാത്തുസൂക്ഷിക്കാനാണ് മാനേജ്‌മെന്റും ലക്ഷ്യമിടുന്നത്. കഴിഞ്ഞ സീസണിൽ മികച്ച പ്രകടനം കാഴ്ചവെച്ച പരിശീലകൻ ആഷ്‌ലി വെസ്റ്റ്‌വുഡ് തന്നെയാണ് ഇത്തവണയും ടീമിനെ നയിക്കുന്നത്.
വിദേശ നിരയിൽ സൂപ്പർ താരം അഡ്രിയാൻ ലൂണ തന്നെയാണ് മുൻനിരയിലുള്ളത്. കൂടാതെ ആന്ദ്രെ ഗ്രീൻ, മോമോ യാൻസാൻ, ജെയിംസ് ബോൾട്ടൺ, നെബോജ്ഷ കൊസോവോച്ച് തുടങ്ങിയ വിദേശ താരങ്ങളും ടീമിൽ അണിനിരക്കുന്നുണ്ട്.
മലയാളി താരം മുഹമ്മദ് സനാൻ, വിബിൻ മോഹനൻ തുടങ്ങിയ പ്രമുഖ ഇന്ത്യൻ താരങ്ങളും ബ്ലാസ്റ്റേഴ്സിനായി കളത്തിലിറങ്ങും. ജംഷഡ്പൂരിൽ നിന്നും മലയാളി വിങ്ങർ മുഹമ്മദ് സനാനെയും, ഒഡീഷയിൽ നിന്ന് പരിചയസമ്പന്നനായ ഗോൾകീപ്പർ അമരിന്ദർ സിങ്ങിനെയും ബ്ലാസ്റ്റേഴ്സ് സ്വന്തമാക്കിയിട്ടുണ്ട്.
ഗോവയുടെ മിഡ്‌ഫീൽഡർ സാഹിൽ ടവോറ, വിങ്ങർ മുഹമ്മദ് യാസിർ, ഡൽഹിയുടെ ഫോർവേഡ് ചുംഗ ഹ്മർ എന്നിവരാണ് ഇത്തവണത്തെ മറ്റ് പ്രധാന ഇന്ത്യൻ താരങ്ങൾ. ഡയമണ്ട് ഹാർബറിൽ നിന്ന് മിഡ്‌ഫീൽഡർ പോൾ ഹ്മറും ചാൻമാരി എഫ്‌സിയിൽ നിന്ന് മിഡ്‌ഫീൽഡർ ജോയൽ മാവിയയും ടീമിലെ പുതിയ നവാഗതരാണ്.
കഴിഞ്ഞ സീസണിൽ വായ്പാ അടിസ്ഥാനത്തിൽ മോഹൻ ബഗാനിൽ കളിച്ച റൈറ്റ് ബാക്ക് അമേയ് രണവദെയും തിരിച്ചെത്തിയിട്ടുണ്ട്. അടുത്ത ഞായറാഴ്ചയാണ് ബ്ലാസ്റ്റേഴ്സിന്റെ രണ്ടാം മത്സരം.
തുടർന്ന് ഒക്ടോബർ 25 നാണ് ടീമിന്റെ ആദ്യ ഹോം മത്സരം നടക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
