ബോളിവുഡ് സിനിമാപ്രേമികൾ ഏറെ ആകാംക്ഷയോടെ കാത്തിരുന്ന ദൃശ്യം 3 (ദൃശ്യം ദ കൺക്ലൂഷൻ) ബോക്സ് ഓഫീസിൽ വലിയ വിജയത്തിലേക്ക് കുതിക്കുന്നു. മലയാളത്തിൽ മോഹൻലാൽ നായകനായെത്തിയ ചിത്രത്തിന്റെ മലയാളം പതിപ്പ് റിലീസ് ചെയ്ത് നാല് മാസങ്ങൾക്ക് ശേഷമാണ് ഹിന്ദി പതിപ്പ് തിയറ്ററുകളിലെത്തിയത്.
പ്രതീക്ഷകൾ കാത്തുസൂക്ഷിക്കുന്ന തരത്തിലുള്ള മികച്ച പ്രതികരണമാണ് ചിത്രത്തിന് ലഭിച്ചുകൊണ്ടിരിക്കുന്നത്. പ്രമുഖ ട്രാക്കിംഗ് സൈറ്റായ സാക്നിൽക്കിന്റെ റിപ്പോർട്ട് അനുസരിച്ച്, റിലീസ് ചെയ്ത് എട്ട് ദിവസത്തിനുള്ളിൽ ചിത്രം ആഗോളതലത്തിൽ 407 കോടി രൂപയാണ് വാരിയത്.
ഇതിൽ ഇന്ത്യയിലെ ഗ്രോസ് കളക്ഷൻ 312 കോടി രൂപയും നെറ്റ് കളക്ഷൻ 260 കോടി രൂപയുമാണ്. ചിത്രം വൈകാതെ തന്നെ 500 കോടി ക്ലബ്ബിൽ ഇടംപിടിക്കുമെന്നാണ് ബോക്സ് ഓഫീസ് നിരീക്ഷകരുടെ വിലയിരുത്തൽ.
കഴിഞ്ഞ ഒക്ടോബർ 2ന് തിയറ്ററുകളിലെത്തിയ ഹിന്ദി പതിപ്പ് ആദ്യ പ്രദർശനം മുതൽ തന്നെ മികച്ച അഭിപ്രായങ്ങൾ നേടിയിരുന്നു. ആദ്യ വാരാന്ത്യത്തിൽത്തന്നെ വൻ കളക്ഷൻ സ്വന്തമാക്കിയ ചിത്രം ഇപ്പോഴും ആ നേട്ടം നിലനിർത്തുന്നുണ്ട്.
മലയാളം ഒറിജിനൽ ചിത്രത്തിൽ നിന്ന് കഥയിൽ ചില മാറ്റങ്ങളോടെയാണ് ഹിന്ദി റീമേക്ക് എത്തിയിരിക്കുന്നത് എന്ന് സംവിധായകൻ ജീത്തു ജോസഫ് നേരത്തെ വ്യക്തമാക്കിയിരുന്നു. ഹിന്ദി പ്രേക്ഷകരുടെ അഭിരുചിക്കനുസരിച്ചാണ് തിരക്കഥയിൽ മാറ്റങ്ങൾ വരുത്തിയത്.
അഭിഷേക് പഥക് സംവിധാനം ചെയ്ത ഈ ചിത്രത്തിൽ അജയ് ദേവ്ഗൺ, തബു, ജയ്ദീപ് അഹ്ലാവത്, ശ്രിയ ശരൺ തുടങ്ങിയ പ്രമുഖരാണ് പ്രധാന കഥാപാത്രങ്ങളെ അവതരിപ്പിച്ചത്. മോഹൻലാൽ നായകനായ മലയാളം ‘ദൃശ്യം 3’-ൽ നിന്നും വ്യത്യസ്തമായി, കഥയിലും ക്ലൈമാക്സിലും മാറ്റങ്ങൾ വരുത്തിയാണ് ഹിന്ദി പതിപ്പ് ഒരുക്കിയിരിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
