പ്ലസ് വൺ: രണ്ടാമത്തെ അലോട്ട്മെന്റ് പ്രസിദ്ധീകരിച്ചു; അഡ്മിഷൻ ചൊവ്വാഴ്ച മുതൽ
തിരുവനന്തപുരം∙ പ്ലസ് വണ് പ്രവേശനത്തിന്റെ മെറിറ്റ് ക്വാട്ടയുടെ മുഖ്യഘട്ടത്തിലെ രണ്ടാമത്തെ അലോട്ട്മെന്റ് പ്രസിദ്ധീകരിച്ചു. പ്രവേശനം ജൂണ് 10ന് രാവിലെ 10 മുതല് ജൂണ് 11 വൈകിട്ട് 5 വരെ നടക്കും.
അലോട്ട്മെന്റ വിവരങ്ങള് അഡ്മിഷന് വെബ്സൈറ്റായ www.hscap.kerala.gov.in ലെ Candidate Login-SWS ലെ Second Allot Results എന്ന ലിങ്കിലൂടെ ലഭിക്കും. അലോട്ട്മെന്റ് ലഭിച്ചവര് കാന്ഡിഡേറ്റ് ലോഗിനിലെ Second Allot Results എന്ന ലിങ്കില്നിന്നു ലഭിക്കുന്ന അലോട്ട്മെന്റ് ലെറ്ററില് പറഞ്ഞിരിക്കുന്ന അലോട്ട്മെന്റ് ലഭിച്ച സ്കൂളില് രക്ഷകര്ത്താവിനോടൊപ്പം സര്ട്ടിഫിക്കറ്റുകളുടെ അസല് സഹിതം എത്തണം.
Also Read
വിദ്യാർഥികള്ക്ക് പ്രവേശനത്തിന് ആവശ്യമുള്ള അലോട്ട്മെന്റര് ലെറ്റര് അലോട്ട്മെന്റ് ലഭിച്ച സ്കൂളില്നിന്നു പ്രിന്റ് എടുത്ത് അഡ്മിഷന് സമയത്ത് നല്കും.
ഒന്നാം അലോട്ട്മെന്റില് താല്ക്കാലിക പ്രവേശനം നേടിയ വിദ്യാർഥികള്ക്ക് ഈ അലോട്ട്മെന്റില് ഉയര്ന്ന ഓപ്ഷനില് അലോട്ട്മെന്റ് ലഭിച്ചിട്ടില്ലെങ്കില് പുതിയ അലോട്ട്മെന്റ് ലെറ്റര് ആവശ്യമില്ല. മെറിറ്റ് ക്വാട്ടയില് ഒന്നാം ഓപ്ഷനില് അലോട്ട്മെന്റ് ലഭിക്കുന്നവര് ഫീസടച്ച് സ്ഥിരപ്രവേശനം നേടണം.
അലോട്ട്മെന്റ് ലെറ്ററില് രേഖപ്പെടുത്തിയിട്ടുള്ള ഫീസ് മാത്രം അടച്ചാല് മതി. താഴ്ന്ന ഓപ്ഷനില് അലോട്ട്മെന്റ് ലഭിക്കുന്നവര്ക്ക് താല്ക്കാലിക പ്രവേശനമോ സ്ഥിരപ്രവേശനമോ നേടാം.
അലോട്ട്മെന്റ് ലഭിച്ചിട്ടും പ്രവേശനം നേടാതിരിക്കുന്ന വിദ്യാർഥികളെ തുടര്ന്നുള്ള അലോട്ട്മെന്റുകളില് പരിഗണിക്കില്ല. വിദ്യാർഥികൾ അപേക്ഷിച്ച ഓരോ സ്കൂളിലേയും കാറ്റഗറി തിരിച്ചുള്ള അവസാന റാങ്ക് വിവരങ്ങള് പരിശോധിക്കാം.
അലോട്ട്മെന്റ് ലഭിച്ച വിദ്യാർഥികളെല്ലാം രക്ഷകര്ത്താക്കളോടൊപ്പം ജൂണ് 11ന് വൈകിട്ട് 5 ന് മുന്പായി സ്കൂളുകളിൽ പ്രവേശനത്തിന് എത്തണം.
Also Read
മോഡല് റസിഡന്ഷ്യല് സ്കൂളുകളില് പ്രവേശനത്തിന് അപേക്ഷിച്ചവരുടെയും രണ്ടാമത്തെ അലോട്ട്മെന്റ് ഫലം പ്രസിദ്ധീകരിച്ചു.
അപേക്ഷകര്ക്ക് Candidate Login-MRS എന്നതിലൂടെ ലോഗിന് ചെയ്ത് ക്യാന്ഡിഡേറ്റ് ലോഗിനിലെ Second Allot Results എന്ന ലിങ്കിലൂടെ ഫലം പരിശോധിക്കാം. അലോട്ട്മെന്റ് ലഭിച്ച വിദ്യാർഥികളെല്ലാം രക്ഷകര്ത്താക്കളോടൊപ്പം ജൂണ് 10 ന് രാവിലെ 10 മുതല് 11 ന് വൈകിട്ട് 5 ന് മുന്പായി സ്കൂളുകളില് പ്രവേശനത്തിന് എത്തണം.
രണ്ടാം അലോട്ട്മെന്റിനോടൊപ്പം കമ്യൂണിറ്റി ക്വാട്ട അഡ്മിഷന് നടക്കുന്നതിനാല് വിവിധ ക്വാട്ടകളില് പ്രവേശനത്തിന് അര്ഹത നേടുന്ന വിദ്യാർഥികള് അവര്ക്ക് ഏറ്റവും അനുയോജ്യമായ ക്വാട്ടയിലെ പ്രവേശനം തിരഞ്ഞെടുക്കണം.
പ്രവേശന നടപടികള് ഒരേ കാലയളവില് നടക്കുന്നതിനാല് ഏതെങ്കിലും ഒരു ക്വാട്ടയില് പ്രവേശനം നേടിയാല് മറ്റൊരു ക്വാട്ടയിലെക്ക് പ്രവേശനം മാറ്റാന് സാധിക്കില്ല. ഇതുവരെ അപേക്ഷിക്കാൻ കഴിയാത്തവര്ക്ക് മൂന്നാമത്തെ അലോട്ട്മെന്റിനു ശേഷം സപ്ലിമെന്ററി അലോട്ട്മെന്റിനായി പുതിയ അപേക്ഷകള് സമര്പ്പിക്കാം.
Also Read
മുഖ്യഘട്ടത്തില് തെറ്റായ വിവരങ്ങള് നല്കിയതു മൂലവും ഓപ്ഷനുകള് നല്കാത്തതിനാലും അലോട്ട്മെന്റിനു പരിഗണിക്കാത്ത അപേക്ഷകര്ക്കും സപ്ലിമെന്ററി ഘട്ടത്തില് നിലവിലെ അപേക്ഷകള് പുതുക്കി സമര്പ്പിക്കാം.
മുഖ്യഘട്ടത്തില് അപേക്ഷിച്ചിട്ടും അലോട്ട്മെന്റ് ലഭിക്കാത്തവര്ക്ക് സപ്ലിമെന്ററി അലോട്ട്മെന്റിനായി പ്രസിദ്ധീകരിക്കുന്ന ഒഴിവുകളിലേക്ക് പരിഗണിക്കുന്നതിന് അപേക്ഷ പുതുക്കി നല്കാം. മുഖ്യഘട്ടത്തില് അലോട്ട്മെന്റ് ലഭിച്ചിട്ടും തെറ്റായ വിവരങ്ങള് അപേക്ഷയില് ഉള്പ്പെട്ടതിനാല് പ്രവേശനം നിരാകരിക്കപ്പെട്ടവര്ക്ക് സപ്ലിമെന്ററി ഘട്ടത്തില് തെറ്റു തിരുത്തി അപേക്ഷ പുതുക്കി സമര്പ്പിക്കാം.
സപ്ലിമെന്ററി അലോട്ട്മെന്റിനായുള്ള വേക്കന്സിയും നോട്ടിഫിക്കേഷനും മുഖ്യഘട്ട പ്രവേശന സമയ പരിധിക്കുശേഷം വെബ്സൈറ്റില് പ്രസിദ്ധീകരിക്കും.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
