ബിഗ് ബോസ് മലയാളം സീസണ് 8-ലെ ആദ്യ ക്യാപ്റ്റനായി (ലീഡർ) മത്സരാര്ഥി ജസീല പര്വീണ് തിരഞ്ഞെടുക്കപ്പെട്ടു. മുൻ സീസണുകളിൽ നിന്നും തികച്ചും വ്യത്യസ്തമായി, ഹൗസിനെ നിയന്ത്രിക്കേണ്ട
ചുമതലയുള്ള വ്യക്തിക്ക് ഇക്കുറി ‘ലീഡര്’ എന്നാണ് ബിഗ് ബോസ് നൽകിയിരിക്കുന്ന ഔദ്യോഗിക പദവി. പുതിയ സീസണിലെ ആദ്യ വാരത്തിൽ തന്നെ ഈ നേട്ടം സ്വന്തമാക്കാൻ ജസീലയ്ക്കായി.
വ്യത്യസ്തമായ രീതിയിലായിരുന്നു ഇക്കുറി ലീഡർ തെരഞ്ഞെടുപ്പ് പ്രക്രിയ അരങ്ങേറിയത്. ഇതിന്റെ ഭാഗമായി മൂന്ന് പേര് വീതമുള്ള ഏഴ് വ്യത്യസ്ത ടീമുകളെ രൂപീകരിക്കാൻ മത്സരാർത്ഥികളോട് ആവശ്യപ്പെട്ടു.
ഓരോ ടീമിലും ഓരോ ലീഡര് സ്ഥാനാര്ഥിയും അവരെ പിന്തുണയ്ക്കുന്ന രണ്ട് അനുയായികളും ഉൾപ്പെട്ടിരുന്നു. നോബി, മുഹമ്മദ് ആസിഫ്, ഷിജിന്, ഗായത്രി സുരേഷ്, ജസീല പര്വീണ്, ഐശ്വര്യ മധു, എല്ദോ എന്നിവരാണ് ലീഡര് സ്ഥാനത്തേക്ക് മത്സരിക്കാനായി ടീമുകളെ അണിനിരത്തിയത്.
റിനി, കാളി എന്നിവര് നോബിയെ പിന്തുണച്ചപ്പോള്, ഗൗതം, വിക്കി എന്നിവര് മുഹമ്മദ് ആസിഫിന്റെ ഒപ്പമുണ്ടായിരുന്നു. കടല് കൊമ്പന്, അഞ്ജലി എന്നിവര് ഷിജിനെയും, ശ്രീലയ, ശ്രീലക്ഷ്മി എന്നിവര് ഗായത്രി സുരേഷിനെയും പിന്തുണച്ചു.
മൃദുല, സുമേഷ് എന്നിവരാണ് ജസീലയ്ക്കൊപ്പം അണിനിരന്നത്. ഫാത്തിമ നേഹ, രാഹുല് ഈശ്വര് എന്നിവര് ഐശ്വര്യ മധുവിനെയും, രാകേഷ്, ലൊലീറ്റ എന്നിവര് എല്ദോയെയും പിന്തുണച്ച് രംഗത്തു വന്നു.
തുടർന്ന്, മത്സരിക്കാനെത്തിയ ഏഴ് ടീമുകളില് നിന്ന് മൂന്ന് ടീമുകൾക്ക് മാത്രമായി അവസരം ചുരുക്കുമെന്ന് ബിഗ് ബോസ് വ്യക്തമാക്കി. ഗാര്ഡന് ഏരിയയില് സജ്ജീകരിച്ച മൂന്ന് പോഡിയങ്ങളില് ബസര് ടു ബസര് നിലയുറപ്പിക്കുന്ന മൂന്ന് ടീമുകൾക്കാണ് ഫൈനൽ മത്സരത്തിലേക്ക് പ്രവേശനം ലഭിച്ചത്.
ഈ പ്രക്രിയയിലൂടെ ജസീല പര്വീണ്, നോബി, എല്ദോ എന്നിവരുടെ ടീമുകൾ യോഗ്യത നേടി. ഇവരിൽ നിന്നും അന്തിമമായി ഒരു ലീഡറെ തിരഞ്ഞെടുക്കുന്നതിനായി ബിഗ് ബോസ് പ്രത്യേക വോട്ടിംഗ് സംഘടിപ്പിച്ചു.
ഈ വോട്ടെടുപ്പിൽ ഏറ്റവുമധികം പിന്തുണ നേടിയാണ് ജസീല പര്വീണ് സീസണ് 8 ലെ ആദ്യ ലീഡര് പദവി അലങ്കരിച്ചത്. വിജയത്തോടൊപ്പം ജസീലയ്ക്കും ഒപ്പം നിന്ന മൃദുല, സുമേഷ് എന്നിവര്ക്കും ആദ്യ വാരത്തിലെ നോമിനേഷന് ഒഴിവാക്കിക്കൊണ്ടുള്ള സുരക്ഷിതത്വവും ബിഗ് ബോസ് പ്രഖ്യാപിച്ചു.
പ്രമുഖരായ നിരവധി മത്സരാർത്ഥികളുടെ സാന്നിധ്യത്തോടെയാണ് ഈ സീസൺ ആരംഭിച്ചിരിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
