തിരുവനന്തപുരം: പൂജപ്പുര സെൻട്രൽ ജയിൽ സൂപ്രണ്ടിന് തടവുകാരന്റെ മർദ്ദനമേറ്റു. ജയിൽ സൂപ്രണ്ട് ബിനോദ് ജോർജ്ജിനാണ് ആക്രമണത്തിൽ പരുക്കേറ്റത്.
ലഹരിക്കേസ് പ്രതിയായ ഷെഫീഖ് ആണ് ജയിൽ സൂപ്രണ്ടിനെ കയ്യേറ്റം ചെയ്തത്. ജയിൽ അധികൃതരുടെ വിശദീകരണം അനുസരിച്ച്, പ്രതിദിന പരിശോധനയുടെ ഭാഗമായി സൂപ്രണ്ട് തടവുകാരുടെ സെല്ലുകൾ സന്ദർശിക്കുന്ന വേളയിലാണ് ഈ അപ്രതീക്ഷിത ആക്രമണം ഉണ്ടായത്.
ആക്രമണത്തിൽ സൂപ്രണ്ടിന് ചെറിയ രീതിയിലുള്ള പരുക്കുകൾ ഏറ്റിട്ടുണ്ട്. എന്താണ് ഈ കയ്യേറ്റത്തിന് പ്രേരിപ്പിച്ചതെന്ന കാര്യത്തിൽ ഇതുവരെ ഔദ്യോഗിക വ്യക്തത വന്നിട്ടില്ല.
സംഭവത്തിൽ തടവുകാരനെതിരെ ഔദ്യോഗികമായി നിയമനടപടികൾ സ്വീകരിക്കുന്നതിന്റെ ഭാഗമായി സൂപ്രണ്ട് പരാതി നൽകിയേക്കുമെന്നാണ് സൂചന. എങ്കിലും, ഈ സംഭവത്തിൽ ഇതുവരെ പോലീസ് കേസുകളൊന്നും രജിസ്റ്റർ ചെയ്തിട്ടില്ല.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
