അയോധ്യ ശ്രീ രാമജന്മഭൂമി തീർഥക്ഷേത്ര ട്രസ്റ്റിന്റെ താത്കാലിക ജനറൽ സെക്രട്ടറിയായി കൃഷ്ണ മോഹനെ നിയമിച്ചു. സംഭാവന പിരിവുമായി ബന്ധപ്പെട്ട
ക്രമക്കേടുകളെത്തുടർന്ന് നിലവിലെ ജനറൽ സെക്രട്ടറി ചമ്പത് റായ് സ്ഥാനം രാജിവെച്ച സാഹചര്യത്തിലാണ് നിർണായകമായ ഈ തീരുമാനം. തിങ്കളാഴ്ച ചേർന്ന ട്രസ്റ്റ് യോഗത്തിലാണ് ഇതുസംബന്ധിച്ച ഔദ്യോഗിക പ്രഖ്യാപനം ഉണ്ടായത്.
യോഗത്തിൽ ചമ്പത് റായിയുടെയും ട്രസ്റ്റിയായ അനിൽ മിശ്രയുടെയും രാജിക്കത്തുകൾ ട്രസ്റ്റ് അംഗീകരിച്ചു. തുടർന്ന് നടന്ന ചർച്ചകൾക്കൊടുവിലാണ് കൃഷ്ണ മോഹനെ താത്കാലിക ജനറൽ സെക്രട്ടറിയായി നിയമിക്കാൻ തീരുമാനിച്ചത്.
ജനറൽ സെക്രട്ടറി പദവിയിൽ സ്ഥിരനിയമനം നടക്കുന്നത് വരെ താൻ ഈ ഉത്തരവാദിത്വം നിർവഹിക്കുമെന്ന് ചുമതലയേറ്റ ശേഷം കൃഷ്ണ മോഹൻ മാധ്യമങ്ങളോട് പ്രതികരിച്ചു. “ജനറൽ സെക്രട്ടറി പദവിയിൽ സ്ഥിരനിയമനം ഉണ്ടാകുന്നത് വരെ ആ ഉത്തരവാദിത്വം താത്കാലികമായി തന്നെ ഏൽപ്പിച്ചതായി കൃഷ്ണ മോഹൻ മാധ്യമങ്ങളോട് പറഞ്ഞു.” തുടർനടപടികളെക്കുറിച്ച് അദ്ദേഹം വ്യക്തമാക്കിയത് ഇങ്ങനെ: “സംഭാവനക്കൊള്ളയിൽ കുറ്റക്കാരാണെന്ന് കണ്ടെത്തുന്നവർക്കെതിരേ ട്രസ്റ്റ് കർശന നടപടി സ്വീകരിക്കുമെന്നും ശിക്ഷ ഉറപ്പാക്കുമെന്നും അദ്ദേഹം വ്യക്തമാക്കി.
ഇത്തരം സംഭവങ്ങളുണ്ടായതിൽ ഞങ്ങൾക്കെല്ലാം അതീവ ദുഃഖമുണ്ട്. രാമഭക്തരടക്കം എല്ലാവരും വേദന അനുഭവിച്ചു.
ഇത്തരം സംഭവങ്ങൾക്കിടയാകുന്ന പഴുതുകൾ അടയ്ക്കാനാണ് പ്രഥമപരിഗണന. ഭാവിയിൽ ഇങ്ങനെയുള്ള സംഭവങ്ങൾ ആവർത്തിക്കാതിരിക്കാനുള്ള നടപടികൾ സ്വീകരിക്കുമെന്നും അദ്ദേഹം പറഞ്ഞു.” റിട്ടയർഡ് ഇന്ത്യൻ ഫോറസ്റ്റ് സർവീസ് ഉദ്യോഗസ്ഥനാണ് കൃഷ്ണ മോഹൻ.
രാമക്ഷേത്ര ട്രസ്റ്റിലെ സ്ഥിരം ട്രസ്റ്റി കൂടിയായ ഇദ്ദേഹത്തിന് 73 വയസ്സുണ്ട്. ഉത്തർപ്രദേശിലെ ഹർദോയ് സ്വദേശിയായ കൃഷ്ണ മോഹൻ, 2025 സെപ്റ്റംബറിൽ കാമേശ്വർ ചൗപാലിന്റെ ഒഴിവിലേക്കാണ് ട്രസ്റ്റിൽ സ്ഥിരാംഗമായി ചുമതലയേറ്റത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
