വയറ്റിലെ ക്യാൻസർ: അറിയേണ്ട ലക്ഷണങ്ങളും മുൻകരുതലുകളും

ആമാശയത്തിലെ ആന്തരിക പാളിയിൽ കോശങ്ങൾ അനിയന്ത്രിതമായി വളരുന്നതിലൂടെ ഉണ്ടാകുന്ന മാരകമായ രോഗമാണ് ഗ്യാസ്ട്രിക് കാൻസർ അഥവാ വയറ്റിലെ ക്യാൻസർ. എല്ലാ വർഷവും നവംബർ മാസം വയറ്റിലെ ക്യാൻസർ അവബോധ മാസമായി ആചരിച്ചുവരുന്നു.

ജനിതക ഘടകങ്ങളും അനാരോഗ്യകരമായ ജീവിതശൈലിയും ഈ രോഗത്തിന് പിന്നിൽ വലിയ പങ്കുവഹിക്കുന്നുണ്ടെന്നാണ് ആരോഗ്യ വിദഗ്ധർ ചൂണ്ടിക്കാണിക്കുന്നത്. രോഗബാധയുമായി ബന്ധപ്പെട്ട

അപകടസാധ്യതകൾ കൃത്യമായി തിരിച്ചറിയുന്നതും സമയബന്ധിതമായി മുൻകരുതലുകൾ സ്വീകരിക്കുന്നതും ജീവൻ രക്ഷിക്കാൻ അത്യന്താപേക്ഷിതമാണ്. ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ICMR) പുറത്തുവിട്ട

കണക്കുകൾ പ്രകാരം, 2020-ൽ മാത്രം രാജ്യത്ത് ഏകദേശം 50,000 പുതിയ ആമാശയ അർബുദ കേസുകളാണ് റിപ്പോർട്ട് ചെയ്യപ്പെട്ടിട്ടുള്ളത്. പ്രധാന ലക്ഷണങ്ങൾ
* നീണ്ടുനിൽക്കുന്ന ദഹനക്കേട് അല്ലെങ്കിൽ നെഞ്ചെരിച്ചിൽ
* അകാരണമായ ശരീരഭാരം കുറയൽ
* വയറുവേദനയും നേരിയ അസ്വസ്ഥതകളും (പ്രത്യേകിച്ചും പൊക്കിളിന് മുകളിലായുള്ള ഭാഗത്ത്)
* ഓക്കാനം അല്ലെങ്കിൽ തുടർച്ചയായ ഛർദ്ദി (ഛർദ്ദിയിൽ രക്തം കാണപ്പെടുകയാണെങ്കിൽ അതീവ ഗൗരവമുള്ളതാണ്)
* പെട്ടെന്ന് വയറു നിറഞ്ഞതായി തോന്നുക (കുറച്ച് ഭക്ഷണം കഴിക്കുമ്പോൾ തന്നെ ഈ അനുഭവം ഉണ്ടാകുക)
* ഭക്ഷണം കഴിച്ചതിനുശേഷം വയർ വീർക്കുകയോ ഗ്യാസ് നിറഞ്ഞതായി അനുഭവപ്പെടുകയോ ചെയ്യുക
* വിശപ്പില്ലായ്മയും മലവിസർജ്ജനത്തിനുള്ള ബുദ്ധിമുട്ടും
* ദഹനവ്യവസ്ഥയിലുണ്ടാകുന്ന രക്തസ്രാവം മൂലം മലം കറുത്ത നിറത്തിൽ കാണപ്പെടുക
* ക്യാൻസർ കരളിലേക്ക് പടരുകയാണെങ്കിൽ ചർമ്മമോ കണ്ണുകളോ മഞ്ഞനിറമാകുന്ന മഞ്ഞപ്പിത്ത ലക്ഷണങ്ങൾ ഇത്തരം ലക്ഷണങ്ങൾ ശരീരത്തിൽ കണ്ടതുമുതൽ ഉടൻ തന്നെ വിദഗ്ദ്ധ വൈദ്യസഹായം തേടേണ്ടതുണ്ട്.

ഭക്ഷണശീലങ്ങളും രോഗസാധ്യതയും
ഉപ്പുള്ള ഭക്ഷണങ്ങൾ അമിതമായി കഴിക്കുന്നത് വയറ്റിലെ ക്യാൻസറിനുള്ള സാധ്യത വർദ്ധിപ്പിക്കുന്നു. സംസ്കരിച്ച മാംസം, സംസ്കരിച്ച ലഘുഭക്ഷണങ്ങൾ തുടങ്ങിയവ ആമാശയ ഭിത്തിയിലുണ്ടാകുന്ന നീർക്കെട്ട് (inflammation) കൂട്ടുകയും ഇത് ക്യാൻസറിലേക്ക് നയിക്കുകയും ചെയ്യും.

അതിനാൽ എപ്പോഴും ആരോഗ്യകരമായ ഭക്ഷണശീലങ്ങൾ പിന്തുടരാൻ ശ്രദ്ധിക്കേണ്ടതാണ്. കൂടാതെ, അമിതമായ പഞ്ചസാര അടങ്ങിയ പാനീയങ്ങളും ലഘുഭക്ഷണങ്ങളും പതിവായി ഉപയോഗിക്കുന്നത് അമിതവണ്ണത്തിനും ആമാശയ അർബുദത്തിനും കാരണമാകാം.

ധാരാളം വെള്ളം കുടിക്കുന്നതും മധുരമുള്ള ഭക്ഷണങ്ങൾ ഒഴിവാക്കുന്നതും വലിയ രീതിയിൽ ആരോഗ്യപരമായ മാറ്റങ്ങൾ ഉണ്ടാക്കും. പുകവലി ശ്വാസകോശം, ചർമ്മം, ആമാശയം തുടങ്ങി ശരീരത്തിന്റെ വിവിധ ഭാഗങ്ങളെ ഗുരുതരമായി ബാധിക്കുന്ന ഒന്നാണ്.

ഇത് ശരീരത്തിന്റെ രോഗപ്രതിരോധ ശേഷി പൂർണ്ണമായും ദുർബലപ്പെടുത്തുകയും, ക്യാൻസർ ഉൾപ്പെടെയുള്ള മാരക രോഗങ്ങൾക്ക് ശരീരം എളുപ്പത്തിൽ ഇരയാകാൻ വഴിയൊരുക്കുകയും ചെയ്യും.