സ്മാർട്ട്ഫോൺ ഉപയോക്താക്കൾക്കിടയിൽ ഏറെ ജനപ്രിയമായ ഒന്നാണ് ഗൂഗിൾ മെസേജസ് (Google Messages) ആപ്പ്. എന്നാൽ ഇതിലെ ആർസിഎസ് (RCS) സംവിധാനവുമായി ബന്ധപ്പെട്ട് നിരവധി പരാതികളാണ് വിവിധ സോഷ്യൽ മീഡിയ പ്ലാറ്റ്‌ഫോമുകളിലും ഫോറങ്ങളിലും ഉയരുന്നത്.
ഈ ആപ്പിലെ പല പരിമിതികളും ഉപയോക്താക്കൾ മുൻപ് തന്നെ അംഗീകരിച്ചിട്ടുണ്ടെങ്കിലും, അടുത്തിടെ ശ്രദ്ധയിൽപ്പെട്ട ഒരു ഗുരുതരമായ സ്റ്റോറേജ് പ്രശ്നം ഗൂഗിളിന്റെ ഭാഗത്തുനിന്നുള്ള വീഴ്ചയായി തന്നെ കാണേണ്ടതുണ്ട്.
ആപ്പിൾ തങ്ങളുടെ മെസേജസ് ആപ്പിൽ ഈ പ്രശ്നത്തിന് എപ്പോഴേ പരിഹാരം കണ്ടിട്ടുണ്ട് എന്നത് ശ്രദ്ധേയമാണ്. ടെക്സ്റ്റ് സന്ദേശങ്ങൾ സാധാരണയായി വലിയ സ്റ്റോറേജ് എടുക്കാറില്ല.
എന്നാൽ ഗൂഗിൾ മെസേജസ് ആപ്പ് വഴി അയക്കുന്ന ചിത്രങ്ങളും വീഡിയോകളും RCS വഴി ദിവസേന വലിയ അളവിൽ ഫോണിൽ ശേഖരിക്കപ്പെടുന്നുണ്ട്. ഫോൺ സ്റ്റോറേജ് നിറയുമ്പോൾ ഡൗൺലോഡ് ചെയ്ത സിനിമകളോ ഷോകളോ ആണ് ആദ്യം നീക്കം ചെയ്യാറുള്ളത്.
എന്നാൽ ഒടുവിൽ സെറ്റിങ്സിൽ പോയി പരിശോധിക്കുമ്പോഴാണ് ഗൂഗിൾ മെസേജസ് ആപ്പ് മാത്രം ഏകദേശം 20GB-യോളം സ്റ്റോറേജ് കൈയടക്കി വെച്ചിരിക്കുന്നതായി മനസ്സിലാകുന്നത്. വർഷങ്ങളായി ആർസിഎസ് വഴി എത്തുന്ന സന്ദേശങ്ങളും മീഡിയ ഫയലുകളും ഡിലീറ്റ് ചെയ്യാതെ സൂക്ഷിക്കുന്നതാണ് ഈ വലിയ സ്റ്റോറേജ് പ്രതിസന്ധിക്ക് കാരണം.
എന്നാൽ ഐഫോണിലെ iMessage ഉപയോഗിക്കുന്നവർക്ക് ഇത്തരം വലിയ പ്രശ്നങ്ങൾ നേരിടേണ്ടി വരുന്നില്ല. ആപ്പിളിന്റെ സംവിധാനത്തിൽ കൃത്യമായ ക്രമീകരണങ്ങൾ വരുത്തിയാൽ ആപ്പ് സ്വയം ഡാറ്റ ക്ലീൻ ചെയ്തുതരും.
ഇതിനായി സെറ്റിങ്സിൽ മെസേജസ് ഓപ്പൺ ചെയ്ത് ‘Keep Messages’ എന്ന ഓപ്ഷൻ 30 ദിവസങ്ങളോ അല്ലെങ്കിൽ ഒരു വർഷമോ ആയി സജ്ജീകരിക്കാവുന്നതാണ്. ഡിഫോൾട്ടായി ഇത് ‘എന്നേക്കുമായി’ (forever) സേവ് ചെയ്യപ്പെടുന്ന രീതിയിലാണ് ക്രമീകരിച്ചിരിക്കുന്നത്.
കൂടാതെ ഓഡിയോ സന്ദേശങ്ങൾ രണ്ട് മിനിറ്റിനുള്ളിൽ ഓട്ടോ-ഡിലീറ്റ് ചെയ്യാനുള്ള സൗകര്യവും ഇതിലുണ്ട്. ഗൂഗിൾ മെസേജസിൽ ട്രെഷ് ഫോൾഡറിലെ സന്ദേശങ്ങൾ 30 ദിവസത്തിന് ശേഷം നീക്കം ചെയ്യപ്പെടുന്ന ഓട്ടോ-ഡിലീറ്റ് സംവിധാനമുണ്ടെങ്കിലും, സന്ദേശങ്ങൾ ആദ്യം ഉപയോക്താക്കൾ തന്നെ മാൻവലായി ട്രെഷിലേക്ക് മാറ്റേണ്ടതുണ്ട്.
ആപ്പിളിന് സമാനമായ പൂർണ്ണമായ ഓട്ടോമാറ്റിക് ഡിലീറ്റ് ഫീച്ചറുകൾ ഗൂഗിളിന്റെ ഭാഗത്തുനിന്ന് ഇതുവരെ ലഭ്യമായിട്ടില്ല. ഐഒഎസ് (iOS) സിസ്റ്റത്തോട് താൽപ്പര്യമില്ലാത്തതിനാൽ ആൻഡ്രോയിഡ് ഉപയോക്താക്കൾ തുടർന്നും ഗൂഗിൾ മെസേജസ് തന്നെ ഉപയോഗിക്കാൻ നിർബന്ധിതരാകുന്നു.
എങ്കിലും ആപ്പിളിന്റെ മാതൃക പിന്തുടർന്ന് ഗൂഗിളും ഈ സ്റ്റോറേജ് പ്രശ്നത്തിന് വേഗത്തിൽ പരിഹാരം കാണുമെന്നാണ് ഉപയോക്താക്കളുടെ പ്രതീക്ഷ.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
