സംസ്ഥാന നിയമസഭയുടെ ഡെപ്യൂട്ടി സ്പീക്കറായി കോൺഗ്രസ് നേതാവ് ഷാനിമോൾ ഉസ്മാനെ തിരഞ്ഞെടുത്തു. നടന്ന വോട്ടെടുപ്പിൽ 99 വോട്ടുകൾ നേടിയാണ് അവർ വിജയം ഉറപ്പിച്ചത്.
എതിർ സ്ഥാനാർഥിയായി മത്സരിച്ച സിപിഐയിലെ മുഹമ്മദ് മുഹ്സിന് 34 വോട്ടുകൾ ലഭിച്ചു. സഭയിലെ വോട്ടെടുപ്പ് പ്രക്രിയയിൽ നിന്ന് ബിജെപിയുടെ മൂന്ന് അംഗങ്ങൾ പൂർണ്ണമായും വിട്ടുനിന്നു.
സ്പീക്കർ ഉൾപ്പെടെയുള്ള നാല് അംഗങ്ങൾ വോട്ടെടുപ്പിൽ പങ്കാളികളായില്ല. സന്ദീപ് വാര്യർ, ആബിദ് ഹുസൈൻ തങ്ങൾ, സി കെ ഹരീന്ദ്രൻ എന്നിവർ വോട്ട് രേഖപ്പെടുത്താൻ എത്തിയില്ല.
തിരഞ്ഞെടുക്കപ്പെട്ട ഷാനിമോൾ ഉസ്മാന് സ്പീക്കർ തിരുവഞ്ചൂർ രാധാകൃഷ്ണൻ ഔദ്യോഗികമായി ആശംസകൾ നേർന്നു.
31 വർഷത്തെ ഇടവേളയ്ക്ക് ശേഷമാണ് നിയമസഭയിൽ ഒരു വനിതാ സാമാജിക ഡെപ്യൂട്ടി സ്പീക്കർ പദവിയിലേക്ക് എത്തുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
